Asesino di Harmon Girigorie a entrega su mes

Polis a confirma cu e homber cu a tira Harmon Girigorie cu consecuencia fatal ta un homber rasta fam M naci na Curacao 1974. E homber parce tin un problema algun tempo caba cu e victima. Na e sitio nan a coy un discusion.
Testigonan ta bisa cu na dado momento e homber fam M a saca arma y Harmon a pura core y haya tiro den lomba. E melding cu Polis a haya tambe tabata papia di coremento y tiro ta cay. A haya diferente huls tambe.
Despues di e tiro den lomba a sigui mas tiro cu tabata fatal. Esnan cu conoce e situacion a bisa cu e homber cu a saca e pistol ta un rasta cu ta toca den banda di Reggae.
Anochi Polis a manda e siguiente informacion. Den e caso di tiramento fatal cu a tuma lugar, e sospechoso inicial M naci na Curacao 1974 a entrega su mes na warda di polis San Nicolas.

Comments

comments