Hopi alarma awe oranan trempan di mainta, a hala atencion di hopi hende, pensando cu ta ilegal a drenta. Pero despues a haya informacion cu ta un caso di supuesto hogamento.
Un pareha disfruta a yega Aruba algun dia atras y a bay disfruta di e lama dushi na Tres Trapi. Por a compronde cu e homber (65) dado momento a cuminsa sinti su mes malo den awa. Persona(nan) den bisindario a duna un man pa sac’e mientras cu a bati alarma.
Na yegada di e prome paramedico (Rapid Responder), a constata cu e persona no ta reacciona mas. Personal di ambulance, cu a yega nan tras, a conclui mesun cos. Polis a yama e dokter pa bin constata morto. Ta parce cu el a sufri un ataca di curason.
A tuma nota cu funcionario di Slachtofferhulp a yega n’e sitio pa brinda apoyo na e pareha di e fayecido.
Forsa na e famia.
No ta duna señal di bida: Turista encontra problema den lama na Tres Trapi
Publicada por 24ora en Jueves, 20 de marzo de 2025
