Eksitoso di 17 Konferensia Anual di Liderazgo Femenino Storianan eksitoso di Lidernan Femenino

54

Mama komo lider i ehèmpel den bida di nan yunan, esei tabata pa koinsidensia e liña kòrá den tur diskurso i presentashon durante di e virtual di 17 Konferensia di Liderazgo Femenino den fin di siman ku a pasa. Oradónan prinsipal edukadó Barbara Thomson di Kòrsou, empresario Lynda Williams di Kòrsou, spesialista den bida despues di lokura Jojo J’Anmetra Waddell di Merka i outor mihó bendí i coach Sierra Melcher di Colombia, tur tabatin charlanan inspirante, kompartiendo storia di nan bida ku partisipantenan.

Otro oradónan ku  a papia tabata dr. Justine Heyden di Kòrsou, Hanifa Cooke di Singapor, dr. Jan Flynn di Merka i Reyna Joe di Kòrsou. Reyna Joe kende ta inisiadó i organisadó di e Konferensianan Anual di liderazgo Femenino na Kòrsou a bisa ku bayendo pa di promé biaha virtual ta un eksperensia interesante i a duna oportunidat pa hende ku no por a biaha i ku lo no a hasi esei, partisipá den e tremendo eksperensia aki.

Partisipantenan tabata di Oustralia, Brazil, Ulanda, Kòrsou, Cuba, St. Maarten, Singapor, Costa Rica, Colombia, Nairobi, New York, Washington, Miami, North Carolina, Ohio i di Atlanta.

Strea di Margaret

Durante di e konferensia a otorgá tambe e promé ‘Strea di Margaret’ na Leonsy ‘Eisy’ Curie di 24 aña di Kòrsou, un hóben masha determiná.

Leonsy e aña aki ta haña su BA den Trabou Sosial i su spesialidat ta traha ku hende ku desabilidat partikularmente esnan  den e spektro di outismo.

Esaki ta djis un di e logronan interesante di e hóben aki.

For di edat hóben e tabata envolví den aktividatnan boluntario manera e.o. komo lider den e grupo di AJMG; komo stazjèr el a organisá promé ‘sightseeing’ pa hende ku desabilidat visual i tambe el a organisá dos enkuentro di empoderamentu i aktividatnan pa muchanan drentando pubertat i tinedjer den bario di Montaña na Kòrsou.

Konsehero di e Konferensia sùr Dr. Norma Angel MM tabata esun ku a introdusí promé ganadó di ‘Strea di Margaret’. El a bisa di no por imagin’é un persona ku mas ta meresé pa risibí e strea aki. El a topa pa di promé biaha ku Leonsy komo partisipante tinedjer den e konferensianan; un hoben sigur di su mes i su ‘presensia’ tabata evidente.

‘Strea di Margaret’ ta na honor di fayesido partisipante i leal sostenedó for di komienso na 2004, Margaret Justina-Janse (1969-2019) kende aktivamente tabata kompartí e vishon di tin aktividatnan empoderante pa mucha muhé i pa hende muhé.

Su sosten, enkurashamentu, vishon i dedikashon na éksito di e konferensia ta altamente apresiá.

Reyna Joe a bisa ku ta selebrá e energia ku el a laga atras rekordando e ku e anual ‘Strea di Margaret’ konfiando ku e persona hóben ku keda rekonosé lo stimulá otro hóben ambisioso.

Pa mas informashon tokante di e eksitoso empoderante di 17 Konferensia Anual di Liderazgo Femenino lo keda pone riba página di facebook ‘About Female Leadership’. E di 18 Konferensia lo tuma lugá dianan 29 i 30 di mei, 2021.