Ekipo di baseball a ripiti titulo campeon na Illinois

Na momento cu e avion di Delta Airlines, procedente di Atlanta, tabata yegando terminal, dos truck di Brandweer a spuit e nave cu awa pa ricibi e campeonnan di baseball, cu ta muchanan bou di 10 aña.

E ekipo di hobencitonan aki cu a participa den Pony International Baseball Classic na Mt Vernon, Illinois, a haci un tremendo trabou, hungando un cantidad grandi di wega den un periodo relativamente cortico. Giovanny Meulens, Presidente di Pony League, a haci un apelacion pa resalta e ekipo aki di muchanan cu a resalta den nan participacion den e torneo na Merca. “Ta muchanan cu train y dedica na e deporte di baseball,” el a bisa.

Ekipo di baseball a ripiti titulo campeon na Illinois

Ekipo di baseball a ripiti titulo campeon na Illinois. Click e link pa mas https://24ora.tv/2xOQ2Jd

Posted by 24ora on Tuesday, July 16, 2019

E seleccion di Aruba, segun e coach Jurvin Maduro a conta, a hunga nada menos cu 10 wega den tres dia, di cual 8 wega tabata di nan categoria pa bira campeon invicto, ripitiendo e logro di aña pasa. E ultimo dia tabata hopi pisa, ya cu nan mester a hunga 4 wega riba un solo dia y a gana tur.
Ademas di e copa, e muchanan a ricibi un rencho conmemorativo como campeon mundial. Nan a participa cu 15 mucha di 7 y 8 aña y 5 miembro di staff tecnico.

 

 

Comments

comments