Edwin Tromp: Ki ora cu tin un cas bashi FCCA ta drech’e

9

Director di FCCA den entrevista cu 24ora.com a splica cu e fundacion semper ta cumpli cu su deber di mantene su casnan. Ki ora cu un cas bira bashi, FCCA ta drech’e. Asina cu haya un cas, ta haci un evaluacion pa wak kico falta, kico tin mester di haci y ta busca hende p’e, segun Edwin Tromp di FCCA.

Un cos si por ta posibel, tin hende cu ta doño y lague bashi y no drech’e, e no ta deber di FCCA pa haci algo den esaki.

Casnan di polis di bario

Tin cas di FCCA ta wordo uza pa controla bario, entre otro pa polis di bario. Den varios di e barionan aki, entre otro na Sero Patrishi y Mabon Kavel. Jaburibari y casnan di pueblo na Noord tambe tin uno. Tin di e casnan aki ta na werki. Tromp ta indica cu den cooperacion cu Cuerpo Policial y Gobierno, a yega na palabracionnan cu FCCA lo pone casnan disponibel cu polis, y kisas otro departamentonan di gobierno cu lo uza pa atende cu e bario.

Edwin Tromp: Ki ora cu tin un cas bashi FCCA ta drech'e

Edwin Tromp: Ki ora cu tin un cas bashi FCCA ta drech'e. Click link pa mas https://24ora.tv/2kH1lAo

Posted by 24ora on Wednesday, September 18, 2019

Si bay riba esun di Mabon, ta mas cu un aña pasa a keda cla cun’e despues cu el a wordo renoba. E tempo ey polis, den e caso aki a pone hende eynan. Despues a ripara tambe cu el a bira menos y obviamente, ki ora e cas no tin hende na dje, of habita, ken cu ta drenta y causa destruccion.

Mescos a pasa na otro camindanan. FCCA ta kere ainda cu sigur esey ta un bon manera di cooperacion y pa duna di parti di FCCA tambe. Pero si e otro banda mester haci di su parti y percura pa e no keda bashi.

Esun di Sero Patrishi, nan a vandalis’e. Pero tambe ta bezig cu hende cu ta interesa pa drech’e y cumpre pa haci’e un cas y biba aden. FCCA tambe por drecha e cas y pone up to date y huur’e cu su clientenan.

Dificil pa biba den e area?

Tromp a comenta cu na prome luga, no kier traha hopi cas banda di otro, pasobra e ta trece otro desafio pa haya e mesun problema, problemanan social. E decision ta tuma caba cu ta traha menos banda di otro pa ta mas controlabel. Tambe ta pone diferente tipo di hende den nan, den sentido di diferente ingreso. Tin hende cu ta biba den cas di pueblo cu tin onderstand y tin otronan cu tin salario minimo.

Awor aki ta pone hendenan cu ta huur, hende cu ta haya subsidio y hende cu no ta haya subsidio, cu ta paga full e prijs hunto den e mesun bario.

Barionan sigur

E idea ta pa tin barionan sigur y bon cuida. No solamente e ta bon pa FCCA, pero ta bon tambe pa e hendenan cu ta biba eynan y tambe pa Aruba mes. Bo no kier tin un bario cu kisas un parti ta bunita y e otro parti destrui, cual ta algo cu FCCA no kier mira.