Edwin Jacobs di SVb: Entrada prima pensioen a surpasa 300 miyon

Aña 2019 tabata un aña hopi positivo pa Banco di Seguro Social (SVb) y por traduci esaki den e cifranan di e aña cu a pasa. Un informacion hopi positivo y segun Edwin Jacobs, director di SVb, cu ta bon pa comparti esaki cu comunidad. Ta echo cu durante 2019 departamento di impuesto a recauda 8.2% mas na prima AOV y AWW, cu ta e pension biehes, pension huerfano y viuda. Compara cu 2018 ya pasa e limite di 300 miyon. Na aña 2018 SVb a colecta 6.9 miyon florin, mientras aña pasa 310.6 miyon florin. Esaki ta un aumento di 23.6.7 miyon cu ta representa 8.2%.

E desaroyo aki ta uno positivo y SVb ta mira cu e desaroyo aki no ta uno di un solo bes. SVb ta kere sigur cu departamento di impuesto a haci nan esfuerso, percurando cu e companianan y empresanan mester cumpli tambe. E ta un mehoracion den compliance di esnan cu tin e obligacion di paga e prima di AOV/AWW. Banco Seguro Social kier a felicita departamento di impuesto pero tambe gradici nan p’e trabou cu nan ta haciendo pa aumenta e compliance di AOV/AWW. “Nos ta bay ripara cu e tin su efectonan positivo ariba e fondo, ariba e reserva, ariba e recuperacion di e fondo di pension di biehes”, segun Edwin Jacobs.

Edwin Jacobs di SVb: Entrada prima pensioen a surpasa 300 miyon

Edwin Jacobs di SVb: Entrada prima pensioen a surpasa 300 miyonhttps://24ora.tv/2Vhs1XY

Posted by 24ora on Friday, February 21, 2020

Mirando en general aña, e cantidad di empleadonan registra na SVb p’e seguronan di malesa y accidente ta aumenta cu 3%. A pasa di 42.500 pa 43.876, cu ta 3% mas asegurado p’e seguronan aki. Ora tin mas asegurado, entradanan ta subi y di otro banda ta mira cu e cantidad di beneficionan cu SVb mester paga a disminui levemente den e seguro di malesa cu 2.3%. Den e seguro di accidente el a subi cu 3.8%. Ta premira cu e resultado final di e seguro di malesa cu un deficit di 2.2 miyon florin, mientras e seguro di accidente lo conoce un surplus di 5.5 miyon. Nan 2 ta yuda otro y na final SVb ta premira cu e aña lo termina positivo pa cu e 2 fondonan cu ta cay pa seguro di empleadonan.

Den combersacion cu ir. Edwin Jacobs di Banco di Segun Social (SVb), a bin dilanti tambe cu e cantidad di personanancu ta cobra pensioen a aumenta y lo sigui aumenta.

Pa cu e pension di biehes y fondo di huerfano SVb ta mira e cantidad di pensionadonan di biehes a aumenta cu 1.8%. Esey ta den linea cu e pensamento di aumento gradual di pensionado. E suma cu ta paga na AOV/AWW aña pasa a aumenta cu 2.2%. Un parti debi na e echo cu a adapta e pension. SVb ta keda den nan maneho cada posibel ora ta adapta e pension na costo di bida pa asina mantene e poder di compra di AOV.

Segun Jacobs, e edad di prima a aumenta, loke a traduci su mes den un aumento di e surplus di 17 miyon di 2018 pa 31.9 miyon na 2019, cu ta un aumento di 86% pa loke ta trata e surplus. E surplus ta bay den reserva, segun e director. Jacobs a splica e importancia pa cu e aña aki nan ta aumentando e edad gradualmente y ta importante pa tin bon suma di surplus, pasobra SVb tin cu traha reserva. E strategia cu nan ta uzando ta di traha reserva, keda aumenta e reserva den e añanan caminda e gastonan di fondo ta aumentando masha tiki. E aumento 2.2% tabata loke a paga na pension pa asina SVb por crea reserva, pasobra den añanan cu ta bin y edad stabilisa na 65 aña, e cantidad di pensionado cu ta drentando lo bay ta hopi mas grandi. Aworaki ta drentando alrededor di 700 pa 800 pensionado pa aña, a fayece 700 cual netto ta crece 200.

Ta bay yega e momento pa 2025 lo drenta 1400 pa 1500 pensionado, ora cu e gastonan lo aumenta hopi mas fuerte cu e 2.2% cu tin e aña aki. Consecuentemente SVb ta premira cu 2027-2028 den e fondo di biehes ta bay aparece un biaha mas deficit. E strategia ta cu e reserva tin cu cubri e deficit aki. Awo ta trahando pa fortifica pa tin mas reserva, mas rosea tin pa wanta un deficit y busca un solucion. SVb ta premira pa aña 2037 e reserva di fondo di biehes lo ta terminando atrobe y lo mester tin un solucion mucho añanan prome. P’e prome mita añanan 30 mester tin un solucion pa con ta sigui mantene e fondo pagabel p’e siguiente 15 pa 20 añanan. Loke SVb tin ta mustra cu a yega basta leu. P’esey ta importante cu mas importante e resultado di pension ta den añanan akinan, miho e ta p’e fondo pa garantisa pension di biehes di e generacion cu ta bay bin pa por tin un bon pension manera e pensionadonan ta disfrutando.

P’e seguro di huerfano, SVb ta mira cu e cantidad a cay masha tiki mes, 3 pensionado menos. E gastonan a aumenta y esaki ta bin p’e sistema cu tin. Tur esaki ta debi na e sistema automatico cu tin, pasobra e pension di viudo y huerfano ta segun edad ta subi. Segun Jacobs esaki tambe ta segun e aumento di pensionnan mes. Tur fondo di viudo y huerfano ta cera cu un resultado positivo di 4.4 miyon cu tambe lo forma parti di e reserva di e fondonan popular di seguro AOV/AWW.

Fondo

Pa loke ta trata e fondo di cesantia (cesantia fonds) SVb ta mira e cantidad di relacion di trabou cu por conta cu un garantia di cesantia encaso cu e dunado di trabou no por cumpli, a aumenta aña pasa di 44.800 pa 47.528 relacion di trabou y ta un aumento di 6.1%. Esaki ta mas entrada y ta nifica miho resultado. SVb ta mira cu e fondo di cesantia cu den añanan economicamente ta bay malo, ta mira cu e economia ta cuminsa deteriora, lo mira cu e gastonan den e fondo ta subi. Aña pasa SVb tabatin 396 mil florin na gasto, segun e director. E ta un aumento compara cu 2018 cu tabata 234 mil florin, pero asina mes e fondo ta cera positivo di 1.9 miyon florin cu ta 14% mas locual tabatin na 2018.

Positivo

E cifranan aki ta mustra cu 2019 tabata un aña cu resultadonan positivo pa SVb y asina ta cera decada cu resultado positivo. E ta corda ora a habri e di 2 decada di e siglo aki, SVb a habri’e cu hopi preocupacion p’e desaroyo di e fondonan pa cu e sosteniblidad financiero di e fondonan. Esey tabata e momento cu e reserva di fondo di AOV/AWW tabata bahando percurando cu pa 2013 e reserva lo a termina, seguro di malesa tabata conoce deficit grandi y no por a cumpli pa cu e fondo di accidente. Den e prome mita di e decada cu a pasa a tuma e reformanan necesario, por mira den e di dos parti di e di dos decada e recuperacion di e fondo aki. Ta mira cu e economia ta contribuyendo positivamente na e recuperacion. Si por mantene esaki pa mas tempo, sigur e ta fortificacion di e fondonan y ta bay yega un monento den futuro pa atende un biaha mas cu e sostenibilidad financiero di e fondonan.