Edwin Duijneveld: Mando policial tin un falta di respet grandi pa decisionnan di hues

1268

Un di e noticianan cu keto bay no a conoce un final riba dje, ta e asunto conoci den boca di pueblo como Patruya 37. Caso ainda cu polis ta na cas, despues hues a dicidi cu no tin motibo pa un castigo manera esun cu mando policial a pone riba e agentenan policial cu tabata riba patruya e momento ey.

Tin di compronde cu un di e polisnan a bay traha bek. Pero mientras tanto tin un otro cu ainda no a wordo permiti pa bay traha y ni a wordo yama.

Edwin Duijneveld legalmente ta representa Efa Maduro. E agente cu ainda no a wordo yama pa bin traha. Mientras cu e otro si ta trahando caba.

Nan a bay corte caba, pero despues a bolbe cuminsa un otro caso. Duijneveld a comenta cu siman pasa nan tabata na mesa berde pa e prome negacion di entrada. Hues a tuma decision cu esey no tin validez. E ta inhusto.

Mientras tanto prome cu e decision di hues a sali, a bin un extension di esey. Manera decision di hues a sali, a pensa cu logicamente e lo wordo yama pa traha. Nada di esey a pasa, asina ta cu a wordo forsa pa bay corte atrobe, contra e extension e momento ey. Diabierna prome cu e caso lo a tuma luga, cual tabata siman pasa dialuna, esun cu tabata riba patruya cun’e, a wordo yama bek pa trabao.

Edwin Duijneveld: Mando policial tin un falta di respet grandi pa decisionnan di hues

Edwin Duijneveld: Mando policial tin un falta di respet grandi pa decisionnan di hues

Posted by 24ora on Monday, March 9, 2020

Esey a compronde, pero Maduro no a wordo yama. Dialuna a bay corte y berdad e representante di gobierno no tabata tin mucho cos di bisa. Hues a haya un tiki straño tambe cu con ta posibel cu un biaha mas nan ta su dilanti, mientras cu tin un decision riba e decision di nenga Maduro entrada di trabao.

Corte a laga sa caba cu e decision ey no tin validez legal, y ta puntra con ta laga un hende na cas mientras tin un decision tuma. E extension ta di un decision unda cu hues a bisa caba cu e no ta legal, no tin validez, ta inhusto.

Awo ta warda e sentencia den esey atrobe. Ta di lamenta cu hustamente cu un organo di husticia aparentemente no tin ningun respet pa decision di hues. Aworaki a compronde pa e siman aki cu lo tin un “dienstmededeling” cu e lo ta bek na trabao, cu te awe ta na cas. No a yam’e na ningun momento. No a entreg’e su badge y arma reglamentario. No sa ki wega of ki problema mando policial tin cu Efa Maduro.

Un cos ta sigur, aki tin un falta enorme di respet pa decisionnan di hues pa nos sistema legal, cu nan supuestamente mester mantene orden den dje.

Comments

comments