Edward Maduro: LMA ta e herment cu ta regula tur cos p’e ambtenaar

Sindicato Uni na varios ocasion a bin cu nan puntonan cu e ley no ta bon hinca den otro y tin yen buraco. Prome cu ley di prestatiemanagement, mester bin e Arbowet cu ta controla e doño di trabou di cumpli cu e condicionnan laboral. Pa decada caba tin e herment di LMA y e sindicatonan kier sa dicon gobierno no ta haci uzo di dje, mirando cu e trahado tin derecho eynan.

Edward Maduro, presidente di SADA, a indica e ley no ta bon hinca den otro y tin yen buraco. Asina ey por haya willekeur, esta cu cierto dienst no tin functiebeschrijving. Nan no tin nada riba papel y ta pone den man di director p’e bay inventa e momento ey kico ta e tareanan. Tur hende sa cu hopi director, dienst hoofd, no tin preparacion adecua pa ta den e posicion ey. Nan lo por a haya un posicion politico. E ora loke ta pasa ta cu e director of dienst hoofd cu no ta profesional, ta bay pick & point riba un trahado, bin inventa tarea cu eigenlijk no ta su tarea y pa mañan nan bis’e “di ta haya un negatieve beoordeling pasobra no a haci kico mi kier.”

Raad van Advies ta bisa esey y e ta algo cu mester evita. Maduro kier sa kico ta pone cu gobierno ta para duro y no kier trek e ley ey, e no tin un motibo logico ni racional pa bisa cu ta laga e ley riba mesa. E sindicalista a indica pa trek in e ley y asina ey por traha unda ta bin di berdad c’un prestatiemanagement cu tur hende por carga. No solamente gobierno, no solamente e directiva di sindicato, pero ta carga door di henter e aparato publico. Na final di dia ta pa e aparato publico bira mas eficiente, bira mas productivo.

Ora di scucha esunnan den sector priva duna comentario comosifuera cu si nan no lo importa cu e bisiña ambtenaar perde un trabou, keda sin entrada, e sindicalista ta haya cu esey ta algo di lamenta. Na Aruba tur persona tin derecho, e trahadonan den sector publico, esunnan den sector estatal, e trahadonan den sector priva.

Tin un ley hopi mas importante cu mester ta aproba prome cu esun di prestatiemanagement, cu ta e Arbowet. Segun Maduro, si e Arbowet bin aden, hopi cos den e prestatiemanagement no por haya base. Pasobra Arbowet ta mira cu e doño di trabou ta cumpli cu e reglanan di Arbo, cual ta trata arbeidsomstandigheden. Esey ta e puntonan dje sindicatonan y nan ta spera cu e biaha aki gobierno ta tene cuenta cu nan deseo funda.

Pa mas lesa TREMPAN.COM.