Edmond Lacle ta un adicto. E ta conoci di husticia tambe. E tabata presente ora di limpiesa patras di Hotel Central. Ta un adicto cu record largo unda dos biaha el a wordo tira tambe pa Polis. Durante entrevista cu Edmond Lacle conoci como Chico Gang, el a splica un tiki mas di e tiramento di sushi y e bida di adicto.
Chico Gang tabata man na obra y tambe a yuda tene e luga limpi. E ta haya cu esnan cu ta tira sushi eybanda, nan ta haci’e pa nan haya algo.
E ta splica cu e no sa pa ki negoshinan e bentamento di sushi ta tumando luga ni pa ken. Esey ta pa nan haya placa pa nan cumpra nan droga. El a papia cu e adictonan hopi biaha, pasobra e ta daña pa esnan cu ta eybanda y asina hende ta kere cu ta nan ta tira sushi. E ora nan ta busca manera pa manda ley pa nan, pa busca pa nan sali for di ey banda.
E ta buscando manera pa wak kendenan ta esunnan cu ta haci’e pa e por para nan, pa nan no haci’e mas. Chico Gang ta haya cu e doñonan di negoshi por paga cualkier compania cu ta carga sushi pa benta nan sushi afo. Nan mester busca un auto of pickup of ken cu ta pa benta e sushi afo. Pero e ta prefera pa e chollernan benta e sushinan afo pa algun florin.
Chico Gang ta traha cu e palonan cu nan ta benta ey tras. E ta traha banki, e ta traha mesa. E mes ta den e edificio pa cuid’e, pero por ta nan a kim’e of haci mas daño na dje. Tanten cu e ta den dje, nan ta respeta e luga.
Cuanto hende
Awor aki ta Chico Gang y un amigo di dje so ta eyden, pero de bes en cuando bo ta mira un ke otro persona ta drenta y combersa cu nan. Tin di e adictonan ta haci bon y tin di nan ta haci malo. El a splica cu e ta biba cu e bida cu e tin. Nan no tin e ayudo cu nan tin mester pa por yuda esnan cu ta cana rond. Tin paar di nan no ta bon den cabes tampoco. Nan ta dal cosnan perde mente. Chico Gang ta mira cu si tin un ayudo pa papia pa esnan cu ta benta sushi rond, pa busca un ayudo pa nan. Pero e no por haci mucho cos. E tambe ta den e adiccion, el a splica.
