E accidente fatal marduga na Savaneta a ranca bida di un motociclista hoben. Ta trata di Edmard Lampe naci 9 di Juni 1996. E ta yiu di un colega den media Sulaika Bareño. Sulaika mes ta bibando na Bonaire y nan avise diasabra mainta di e sucedido.
El a busca manera mesora pa bin Aruba. E tata di Edmar a fayece algun aña pasa den un caso tristo na Macuarima unda tres miembro di famia a ser asesina pa un otro miembro di famia den nan cas. E accidente di Edmar tabata riba e caminda principal. E tabata riba brommer y a bay pasa auto banda di La Granja.
https://www.facebook.com/10150312484370001/posts/10162399093185001?s=1029643703&v=e&sfns=mo
E tabata bayendo direccion pabou. Ora el a pasa auto a dal den un otro auto di direccion contrario. Djey ora a cay e mesun auto cu el a pasa a lastre un bon pida. Den e impacto algun parti di su curpa a ranca. Polisnan a ser caminda mesora.
E tabata halando rosea ainda. A hibe mesora pa Hospital caminda na yegada a constata morto. Ambos chauffeur den e autonan a pasa test y tabata bou influencia. Pesey a detene tur dos. E momento ey despues cu a constata morto no por a yega na e famia.
Mas den mainta a logra y asina a avisa e mama Sulaika Bareño cu ta bibando na Bonaire. E ta na caminda pa Aruba pa asina reconoce su yiu. Situacion tristo cu ta laga un nubia scur riba nos isla. Esaki ta di 7 morto den trafico pa 2019. Forsa na e famia.
