Edjean Semeleer ta lansa su produccion nobo: “For di un distancia”

“For di un distancia” ta e produccion nobo di Edjean Semeleer, den e temporada aki di fin di aña. E fin di aña aki un biaha mas e lo tey pa alegra curason di tur, considerando tambe cu ta un aña particular.Esaki ta duna e gana di por purba di inspira nos hendenan hopi mas. Di por alegra curason, considerando cu asina hopi cas di famia tin instabilidad financiero, tin incertidumbre, hendenan ta confundi tin biaha y tristo pa e situacion.

Ta keda hopi biaha na e artista pa purba di eleva nos hendenan hopi, inspira, motiva, empodera nan. Esaki ta por medio di musica, nan creacion, nan talento.Den caso di Edjean specifico, el a lansa un cancion compara cu su otro exitonan di fin di aña, un cancion tiki mas trankil den ritmo, pero toch yen di contenido, di bon mensahe, “for di un distancia.”Apesar cu nos mester ta for di un distancia, toch por alegra curason.

Edjean Semeleer ta lansa su produccion nobo: “For di un distancia”

Edjean Semeleer ta lansa su produccion nobo: “For di un distancia”Click aki riba pa mas: https://24ora.news/2K1JfoJ

Posted by 24ora on Friday, November 13, 2020

Un cos cu e crisis aki a siña nos, ta pa nos ta mas humano cu otro, pa nos comparti mas bondad, mas compasion, mas comprension, mas respet cu otro y comparti balornan humano basico.Balornan humano y universal cu nos por comparti cu ta pone cu ta sinti cu por yega mas cerca di otro, hamas por perde speransa, hamas por perde forsa cu bo tin den bo pa bo por logra loke cu bo kier y toch traha un mindset cu pa aña nobo 2021, exito so ta den bo caminda, bendicion so ta den bo caminda y e exito na final, no ta determina door di e logro, ta door di e obstaculonan cu ta haya den caminda y e forma cu a dicidi con pa surpasa.Fuera di e lansamento di su produccion nobo, Edjean ta preparando pa un proyecto mas grandi, cu ta dos concierto virtual pa fin di aña. Asina ta keda pendiente pa mas detaye riba esaki.