Edificio di Departamento di Impuesto ta hayando un facelift na su entrada

Departamento di Impuesto a haya un facelift na su entrada, pa loke ta e jardin. Vocero Meverly Romano, a splica cu ta tratando ya un tempo caba pa haci diferente cambio rond di e edificio na Camacuri.

E cambionan cu tin den pipeline ta por ehempel expande e area di parkinglot, drecha e entrada di e edificio, haci cambio den e landscaping.

Tambe kier yega na pone borchinan di trafico, pasobra tin auto cu ta para con cu ta y unda cu ta. Awor aki a cuminsa cu e drechamento di e jardin enberdad.

Edificio di Departamento di Impuesto ta hayando un facelift na su entrada

Edificio di Departamento di Impuesto ta hayando un facelift na su entrada

Posted by 24ora on Wednesday, January 16, 2019

Siman pasa caba tin un empresa cu ta atendiendo cu esey. Fantastic Garden ta haciendo e mantencion di e jardin y ta haciendo un tremendo trabao.

Nan ta hopi profesional riba nan tereno y e luga ta kedando hopi bunita, compara cu loke e tabata anteriormente.

Ainda nan no ta cla. E ta encera tambe cu nan mester haci limpi di tal forma cu tin cu crea espacio pa si acaso tin un emergencia, si acaso brandweer, ambulance mester yega, ki calamidad cu por tin, nan por tin tambe acceso directo pa yega mas cerca di e edificio.

Pa e motibo ey tin trabaonan andando awor aki, cual ta bayendo bon.

Nan lo continua te ora cu nan ta full cla. Segun Romano, te awor aki ta full rond di e edificio, pero en particular e edificio principal su front y tambe e edificio anexo, ta bezig cu e cambionan aki.