Edificio Colegio Frère Bonifacius

Recientemente un articulo a keda publica den medionan di comunicacion cu e noticia cu e
edificio y tereno di Colegio Frère Bonifacius, cu ta situa na Indianenweg na Oranjestad, y cu ta resorta bou Stichting Katholiek Onderwijs Aruba (SKOA), lo wordo traspasa pa Universidad di Aruba (UA).

Esaki mirando cu e edificio actual di UA a bira chikito y mester expande. E noticia aki sinembargo, a wordo emiti basa riba informacion cu tawata tin disponibel na e
momento ey, cu tawata mustra cu e doño di e tereno caminda cu e edificio di Colegio Frère
Bonifacius ta situa, lo ta di Land Aruba. Despues di a ricibi informacion adicional tocante e tereno di e scol menciona, a sali na cla cu en realidad e doño di e tereno ta Bisdom Willemstad y no Land Aruba. Consecuentemente Ministerio di Enseñansa y Departamento di Enseñansa lo tuma e pasonan necesario respetando e hecho aki. Lo acerca tur partido pa sinta na mesa pa asina por yega na un solucion pa tanto e edificio di Colegio Frère Bonifacius, como tambe pa e necesidad di expancion di Universidad di Aruba.