Edgard Vrolijk: Reunion di IPKO a resulta fructifero

Recientemente mi persona tabatin tin e placer di por ta parti di e delegacion di Aruba cu a
participa na IPKO cu a tuma lugar na Aruba di 9 pa 11 di januari 2018.

E reunion aki tabatauno fructifero unda nos a trata diferente tema, entre otro di Sustainable Development, situacion di horcan Irma na Sint Maarten, situacion di Venezuela y tambe un institucion penitenciario sostenibel. Alabes nos a haci tres bishita di trabao na WEB N.V., e proyecto di Algen y Hospital.

Adapta curiculo escolar

Sigur e reunion aki mi a haci uso pa conoce nos representantenan di Corsou. Sint Maarten y Hulanda y a hiba combersacion riba diferente area cu lo sirbi na bienestar di Aruba y alabes crea un bon cooperacion den Reino Hulandes. Banda di esaki e bishitanan di trabao a sirbi pa nos por a cera conoci cu tur e trabaonan cu ta ser haci y pa wak unda cu por trece cambio pa mehoracion di esakinan na beneficio di nos comunidad. Un di e metanan sigur ta pa adapta nos curiculo escolar na nos necesidadnan laboral. Unda cu basa riba esaki nos ta duna nos hobennan e posibilidad di por specialisa na cas y por haya trabou aki y principalmente nos ta percura pa e hoben no tin un carga grandi di paga na fianza di estudio y tambe nos lo logra di reduci e cifra di desempleo bao di nos hobennan.

Cuido di calidad halto
Un ehempel con nos por mehora esaki ta ora di bay ehecuta proyectonan cu lo costa nos
pueblo miyones, cu esaki mester bay hunto cu mehoracion di nos curiculo escolar pa nos
studiantenan por cumpli cu e exigencianan y asina por garantisa nan un trabao. Nos ta bezig
cu ampliacion di Hospital Horacio Oduber, unda cu no solamente e edificio ta conoce
cambionan pero tambe su maneho y unda cu nan lo ta traha basa na standardnan di calidad
halto y pa asina por garantisa un cuido di calidad den futuro. Unabes ta asina leu cu e
finalisacion, esaki por facilita e proceso di acreditacion. Pero por nota cu pa locual ta adapta
y mehora nos curiculo escolar na EPI, esaki a keda atras cu tur consecuencia pa nos hobennan ya cu unabes cu nan caba nan estudio e posibilidad di trabao ta uno dificil. Nos a tende cu lo bay traha hunto cu Minister di Enseñansa pa mehora esaki, pero atrobe mi opinion personal ta cu esaki mester tabata haci caba.

HBO Verpleegkunde
Ora bo ta bay na un proyecto di Hospital di e magnitud aki nos mester a percura pa tambe
cambia nos curiculo escolar pa locual ta trata verpleegkunde, cu e por ta na exigencianan di
normanan exigi pa por garantisa calidad di servicio. P’esey mi persona ta haci un peticion na
nos Minister di Salubridad y sigur tambe na nos Minister di Enseñansa pa acelera e proceso
conhuntamente cu Hospital pa por haci cambionan necesario, pasobra mas nos tarda ta nos
mesun hobennan y nos pueblo en general nos ta perhudica. Y alabes por cuminsa na sondea e posibilidad pa bin cu HBO verpleegkundige opleiding na Aruba den bista cu nos tin Hospitaal Horacio Oduber y tambe cu IMSAN lo mester mas hende den e parti di verpleegkunde, cu nos por baha e necesidad di importa servicio y cu nos por sigui prepara nos hendenan local na nivel mas halto y sigur pueblo lo por sinti e cambio den cuido di salubridad pero tambe nos hobennan por haya e oportunidad di studia na Aruba mes.