Parlamentario di MEP, Edgard Vrolijk, a tuma nota for di minister di enseñansa via Facebook, cu lo haci DPS como un stichting. Unico cos cu e por bisa ta, cu e Minister falta di informacion concreto pa pueblo.
Esey ta locual cu ta crea incertidumbre. Kisas su intencion por ta bon, pero e falta di informacion ta locual cu Vrolijk ta haya hopi importante. Pesey, como parlamentario, haciendo uzo di su derecho, ta manda preguntanan por escrito pa e minister, pa por haya contesta, pa por trata di kita e incertidumbre cu tin den comunidad, vooral den e grupo cu ta cay bao di DPS. Si mira bon, EPI y DPS so falta cu no ta stichting. E no por bay pone un punto di bista si bo mes no tin e informacion. Pesey, como pregunta, locual cu a bin hopi cerca dje y a manda over pa e minister, sigur ta ki dia e tin pensa di cuminsa cu e Stichting aki. A puntr'e tambe, kico ta e structura di locual cu ta e fundacion aki. Con e lo ta. Ta bin cu Gobierno y ta bay cu Gobierno? Cual ta e perfil di e hendenan cu eigenlijk bo kier pa traha eyden. Mester di un structura di kende bo kier pa pone eynan. E trabao ey ta uno serio, principalmente cu locual el a declara, cu e kier sali completamente for di politica. No kier tin influencia politico eyden y tambe e control financiero. Eynan mester tin hende na su luga pa por haci e control aki via e fundacion, si e kier lant'e den e caso aki.
Otro preocupacion, cual ta esun di mas grandi, bao di tur e trahadonan, ta ora cu e minister a bisa cu nada lo cambia den nan situacion huridico. Segun e parlamentario, eynan ta locual cu e minister bin y splica pueblo. Ta pidi pa e sali pafo y splica pueblo completamente kico e ta bay haci. Esey ta locual cu tin pueblo y trahadonan den un aki y aya y ta crea incertidumbre. Otronan ta busca politica cun'e. Pero fraccion di MEP ta busca claridad pa e trahadonan. Sa cu nan kier informacion. Den e caso aki, hopi di nan kier sa kico nan posicion huridico lo ta. Nan lo bay atras den salario, LMA no lo conta pa nan mas, kier sa kico locual cu e minister a bisa cu nada lo cambia. Esey pa nan ta importante. Tambe, papiando di situacion financiero, con e subsidio lo core. E lo keda mesun cos, e lo cambia. Siguramente e otro stichtingnan, con nan status lo ta. Lo bay tin un liña di trabao, un solo liña cu locual tin eynan, akinan lo tin? Den enseñansa tin hopi incertidumbre, pa motibo di falta di informacion. Ta pesey ta pidi minister di Enseñansa pa e sali y papia, duna informacion concreto y con e ta bay haci'e, kico ta e beneficionan tambe di cambia awor. Loke ta pasa, ta di bay di Dienst Publieke Scholen, ta bay cay bao di un stichting.
Tambe e trahado kier sa, si e lo tin bentaha p'e, si lo tin beneficionan extra p'e. Parlamentario Vrolijk no ta esun pa clarifica, pero si ta esun cu a haci pregunta pa haya aclareacion. Si e minister por contesta directamente. Tambe e minister mester acerca esnan cu e lo bay afecta prome, e actornan cu el a afecta. Sali pafo, combersa cu e hendenan, trek e actornan, e sindicatonan, e trahadonan, nan merece e splicacion. Nan tin cu compronde e situacion, pasobra nan tin cu bay cambia eyden. Esey pa e parlamentario ta hopi importante. E transparencia y sigur e informacion concreto pa e trahadonan aki, pa asina por kita di e impasse aki y siguramente pa nan tin tempo pa tuma decision. Tin di nan tambe por bisa cu nan kier haya un overplaatsing, bay un otro caminda. Tempo tambe ta importante. Ta pesey den e prome pregunta el a indica ki tempo esaki lo bay ta y siguramente e informacion concreto pa pueblo y siguramente pa e trahadonan, ta importante den e parti aki.
