Edgard Vrolijk (MEP): Mayoria den oposicion no ta aporta na discusion di ley di integridad di minister

mr. Edgard Vrolijk, presidente di parlamento, e biaha aki iniciado di ley di screening, a cambia su pechi y a hiba palabra, hecho cu el a yega di adverti den pasado.

Na e ocasion aki vice-presidente di parlamento, Raymond Kamperveen a presidi e di cinco reunion den parlamento.

Vrolijk a menciona cu a haci uzo di e momento pa por a splica pueblo un biaha mas di unda e ley aki a bin y ki caminda el a tuma.

tin hende ta gusta critica. Para critica ta facil, tin tiki hende ta haci.

El a menciona cu mester a conta e storia e storia completo p’e ley aki. Esey ta loke cu Vrolijk a laga bon cla. 

Indicado tin hopi y trahado tin tiki. Vrolijk a splica cu esaki ta un plan integral cu pa ora combati corupcion y crea integridad di un pais, mester percura pa tur ley ta na su luga.

Maske cu el a pak aan un maneho integral den e cuadro aki pa por combati e fenomeno aki, tin tres ley. Ley di financiamento di partido politico, cual ta cla; ley di screening, ta spera cu e por pasa; y den ley di parlamento a pasa e aanbestedingsverordening.

Tur ta touch otro. Si ta haya sponsor constantemente y tin un famia ta haya tur cos, na final di dia, e ta wak e bek. Ta declar’e y na final ta mir’e bek den un aanbesteding tambe.

Tur esaki ta toca na otro. Ora hopi hende cu esaki ta algo cu a crea pa acomoda hende, no ta berdad. Tur caminda ta touch hende. Vrolijk ta hopi orguyoso cu awo tur tres ley t’ey. 

Minister di integridad awo por traha, el a splica. Ta keda na dje pa haci su trabao. No tin mas excuus pa evita esaki.

Un di e puntonan cu oposicion a trece dilanti ta practicamente e ley, manera cu e ta, ta pone cu ta legalisa ‘friends & family’ den nan punto di bista.

Edgard Vrolijk a splica cu si mira a saca potret di hende sinta na mesa. Eynan por mira cu landsbesluit ta deficiente. P’esey netamente ta bin cu un landsverodening cu cierto cambio den dje. ‘Cada ladron juzga por su condicion’, ta loke Vrolijk a splica y esey ta e problema. Ora ta sinta eyden, por a mira tur cos robes cu a pasa, pero mester keda serio si.

Segun Vrolijk, e ley aki ta bay den tercer grado. Ta bay te den primo, omo, etc. Hasta si tin un primo cu no conoce, mester declar’e. Tin cu busca e stamboom completo pa mira ken ta famia pa ora cu tin cu entrega kico ta e ‘zakenbelangen’ y kico ta e relacion, cual ta hopi importante.

Ley ta duna e transparencia pasobra e no ta bisa cu no mag. Tin cu duna cuenta cu e primo ta traha, etc. y tur hende tin e den loke por wak. 

Pa cobertura mas amplio lesa edicion di TREMPAN mañan.