Diferente actividadnan democratico na Den Haag e siman aki relaciona cu Prinsjesdag. Actividadnan ta ofrece oportunidadnan pa Aruba tambe. “Ta bon pa no ripiti fayonan di pasado. Pero tampoco mester dedica mucho tempo meditando over di oportunidadnan perdi. Por tin miho ocasionnan positivo nos dilanti. Y si nos no pone atencion nan lo pasa bay laga nos”, asina Eddy Paris, representante di Gobierno di Aruba na Belgica a bisa awe. Siendo e Vice Minister Plenipotenciario di Aruba na Hulanda, Eddy Paris ta convenci cu nos por logra mas.
Un ehempel di bentaha pa Aruba na Hulanda, ta Europahuis. Awe diamars Eddy Paris lo participa na un debate, caminda cu e pregunta central lo ta; “wat gaat er gebeuren na de Europese verkiezingen van 23 mei volgend jaar?”
“Apesar cu ta dificil pa contesta e pregunta cu certesa, locual cu si semper bo por haci ta reset bo frame of mind pa ta prepara. Cu otro palabra, deseonan pa un miho futuro geopolitico no ta suficiente. Nos mester ta pro-activo, -uni-, y actua cu nos bos y voto”, asina e representante di Aruba na Europa a splica,
“Como ciudadanonan Europeo nos tur tin e derecho pa vota pa un Arubiano bira miembro di MEP (Member European Parliament). Esaki lo por fortifica nos posicion politico pa mehora nos relacionnan tambe cu Hulanda”, di acuerdo cu Eddy Paris.
