Ecotech a haya tres truck nobo

634

Andres Ras ta operations manager di Ecotech y a mustra cu nan ta sigui inverti den ekiponan nobo pa sigui brinda bon servicio na comunidad di Aruba, tanto residencial como comercial. Nan a ricibi tres truck. Dos frontloader specialmente cu ta piki bakinan na hopi negoshi y tambe na cierto residencianan. Nan tin un truck rearloader, cu den boca di pueblo ta yama e truck di sushi di cas.

Ecotech a haya tres truck nobo

Posted by 24ora on Tuesday, April 17, 2018

E trucknan aki a yega siman pasa y nan ta hopi contento. Awor aki dentro di poco inspeccionnan lo tuma luga y lo mira den e dianan cu ta bin, cu e trucknan lo ta riba caminda caba.

Costo

Un di e trucknan aki ta costa den careda di mey miyon florin. Diferencia entre esun bieu cu esun nobo, ta cu e trucknan nobo ta un sistema di M-drive. Nan ta mas fuel efficient compara cu e trucknan bieu. E body ta practicamente mesun cos, pero loke e ta haci ta, e motor ta diferente. Kico ta pasa ta cu lo spaar mas riba fuel, mirando cu Ecotecht ta concientisa riba medio ambiente y ta percura pa por uza por ehempel menos fuel embes di e sistema convencional bieu.

E truck tambe tin su sistema di siguridad. Tambe ta haci cu e driver ta core mas sigur ora di su ruta. Y pa e helper, a añadi cierto aspectonan di siguridad riba e truck tambe. Ta standard mundialmente, pero tin cierto cosnan a adapta na Aruba, mirando cu na Merca ta uza x forma y na Aruba, mester a adapta e trucknan aki pa uzo local.