Eagles ta titula campeon 2019 den gran forma derotando Rockets

Campeonato femenino fast pitch U17 di Aruba Softball Bond a termina unda Eagles di San Nicolas a derota Rockets di Sta Cruz den e gran final. E dos equiiponan cu a pasa pa final ta Eagles kende a enfrenta Rockets den un serie di best out of 3.

Den e promer wega Eagles a pika dilanti y a concretisa su titulo den e di dos wega di e serie titulando Campeon 2019 invicto. Den cabes di promer inning Eagles a anota 6 careda y den cada inning despues a anota 1 careda pa asina seya su victoria y celebra su titulo. Rockets den bom di 5 inning a menasa anotando un careda. Boxscore final Eagles 9 careda, 8 hit, 2 error y ta laga 5 coredor na base.

Rockets 1 careda, 1 hit, 2 error y ta laga 2 coredor den circulacion. Mihor bateadornan pa Eagles ta Keyla Cham di 2-1. Cual batazo tabata un triplete, Yee Mei “Beba” Cheong 2-2 cu 1 rbi mas 2 careda anota, Jalliyah Versprey 2-1 cu un triple, Destiny Johnson di 3-2 cu un doblete y un triple mas 2 rbi , Xiorcaniyx Vargas 2-2. Pa Rockets Zulaima Croes a conetca e unico hit y a bay di 2-1. Yee Mei “Beba” Cheong ta lansa un one hitter den e wega final enfrentando 18 bateador y tirando 28 bola, 42 strike pa un total di 70 pitch permitiendo 1 careda tras di 1 hit ponchando 6 bateador y ta regala 1 base por bola seyando e victoria di campeon 2019 riba su nomber. Jaysjelienne Kock ta lansa 2 tercio den promer inning pa un total di 37 pitch permitiendo 6 careda y ta regala 6 base por bola y ta perde e wega. Zulaima Croes a drenta releva lansando 38 bola, 36 strike pa un total di 74 lansamento regalando 4 base por bola ponchando 4 bateador permitiendo 3 careda tras di 3 hit.

Manera di 3 out a cay Eagles a subi tereno pa celebra. Yee Mei “Bebe” Cheong ta conquista e titulo di MVP alaves Champion Batter y Champion Pitcher cual nos lo amplia riba dije mas despues. Asmilayne Maduro a titula champion homerun. Aruba Softball Bond kier felicita Eagles cu nan titul;o di campeon y Rockets cu nan sub campeon y tur atletanan di ambos team pero tambe di Lady Blue Marlins kendenan a competi den un bunita campeonato U17. Danki na scorers, umpires, coaches, managers y tur cu di un of otro manera a duna un man pa hasi e campeonato uno exitoso. No por keda sin menciona e fanaticada di cada equipo cu semper tabata tey pa duna support na e atletanan. Pabien.