Campeonato HEINEKEN fast pitch femenino den categoria AA a continua riba canchanan na Pos Chiquito. E equipo di Eagles ta derota Rockets clasificando invicto na promer lugar y alaves ta elimina Rockets. Cu e victoria aki Eagles ta pasa pa final garantisando Sub Campeon y ta keda enespera di e ganador e serie di best out of 3 entre Aruba Bank Lady Tigers y Jaguars Vitamin Water.
Eagles ta anota 1 careda den cabez di preomer inning mientras Rockets ta responde cu 2 careda den bom di mesun inning. Eagles ta rally pa 4 careda den cabez di dos inning y ta amplia den tercer inning unda finalmente Eagles ta derota Rockets 9-3. Boxscore final Eagles 9 careda, 10 hit, 0 error y ta laga 4 coredor na base. Rockets 3 careda, 6 hit, 3 error y ta laga 4 coredor den circulacion.
Mihor bateadornan pa Eagles a resulta Jennifer Martis 2-1 cu un triple, Myah Thompson 3-3 cu un triple y un cuadrangular , Millizienne Richardson y Gilda James di 3-1 ambos cu un doblete, Yee Mei Cheong di 3-1, Destiny Johnson di 1-1 Giandra Thiel 2-1 cu un doblete, Xiorcaniyx Vargas Jimenez di 3-2 cu un triple mas 2 rbi y 2 careda anota.
Pa Rockets a destaca na plato Yolaisha Ridderstap 2-1 cu un doblete, Liane Tromp 3-2 cu un doblete, Zulaima Croes y Angela Angela ambos di 2-1, Diantha Oduber di 2-1 cu un doblete. Yee Mei “Beba” Cheong di apenas 16 aña a titula campeon cu U17 ta hunga den AA tambe y ta resulta pitcher ganador lansando 5 inning enfrentando 22 bateador tirando 29 bola, 54 strike bon pa 83 lasnamento. Beba ta permiti 3 careda tras di 6 hit regalando 2 base por bola y ta poncha 6 bateador seyando e victoria riba su nomber.
Zulaima Croes tambe un hoben di 16 aña kende tambe a hunga den U17 recientemente a bay 5 inning completo tirando 25 bola, 52 strike pa un total di 76 lansamento permitiendo 9 careda tras di 10 hit ponchando 5 bateador y ta regala 2 base por bola y mester conforma su mes cu e derota. Asina por mira e desaroyo cu nos muchanan hoben ta hungando den dos diferente liga y te hasta ta destaca den AA. Playoff AA lo inicia diahuebs awor den un serie di best out of 3 Jaguars Vitamin Water vs Aruba Bank Lady Tigers unda e ganador di e serie aki lo topa Eagles den e gran final pa campeon 2019.
