Diaranson nos tabata tey presente na Eagle Aruba Beach Resort pa anuncia e ganado di e long weekend stay, di un campaña cu tabta tin 22 mil viewer, riba 2600 share, 1000 like y casi 2000 comment.
Nos a combersa cu Emily Ridderstaat di Eagle Aruba Beach Resort y el a conta nos con e campaña a bay.
E campaña a bay hopi bon. A haya hopi reaccion di local. Entre diaranson, diahuebs y diabierna, hopi ta check in y a bay hopi great. E hotel ta hopi satisfecho di e reaccion cu nan a haya di parti di e localnan y di e share & like cu 24ora.com a ofrece.
Reaccion di local
Awo cu e revamp di e hotel, ta bayendo hopi bon. Na prome instante no tabata sa cu e hotel tabata bezig ta renobando. E tabata algo nobo pa e localnan, pero a reacciona hopi bon. E hotel ta hopi contento cu esey pasobra Eagle Aruba Resort, tambe ta pa e localnan.
Contento cu su premio
Rosy Kock ta e feliz ganado di e long weekend stay. E ta conta cu un colega di dje a like & share y a tag Rosy y asina el a tag su dos yiu grandinan y algun famia di dje. Diamars el a haya e yamada. Na momento cu 24ora.com tabata live, e no tabata sa. El a haya hopi yamada y reaccion pa e tuma contacto cu e website, debi cu el a gana. El a conta cu henter e experiencia ta hopi leuk. Awo e ta cla pa keda cu famia, amistadnan y tambe su colega, pasobra door di su colega a haya sa. E ta kere cu e mes no sa ainda. Ora cu e yega trabao e lo avisa, sino, e lo bay pasa algun dia leuk hunto cu su yiunan.
Mas campaña
Sigur Eagle Aruba Beach Resort lo bay tin mas campaña y premionan atractivo a localnan cu ta hopi importante pa e hotel.
Asina ta, keda pendiente di e pagina di Eagle Aruba Beach Resort y tambe 24ora.com pa mas despues tin mas campaña y premio pa nos localnan.
