E ultimo Ayo

Alex Enrique Noguera

13-11-1980 – 12-09-2012

 

Awe 7 aña pasa

Riba snelweg, rumbo pa Almere

Destino a dicidi un

otro rumbo p’abo,

nos ruman

 

Awe 7 aña pasa

Mi a ricibi un yamada

for di bo telefon

Pero e voz no tabata dibo,

mi ruman

 

“Uw broertje werd geramd door een

aanhangwagen die los is geschoten van een

voorrijdende bestelbus”

 

Awe 7 aña pasa,

Bo regalonan a yega

Almere,

Pero for di mannan di 

un straño

 

“Ta regalonan barata di Accion pa e muchanan hunga na

nan smaak. Un ta nada si nan kibra nan”

 

Tabata parti di nos ultimo

combersacion, e merdia

prome cu bo salida

Riba snelweg, rumbo pa Almere

Awe 7 aña pasa

 

Comments

comments