Den fin di siman cos a bira pisa pa e team cu ta preparando pa Best of the Best Taekwondo Test Event. E team tabata tin Interval Training na Seroe Colorado.
Training a cuminsa na e cancha di tennis sigui pa e Santana di Cacho na final di e caminda pa despues sigui pa Seroe Colorado. Na e cancha di tennis nan a warm up pa despues core bay te na e Santana di Cacho unda cu a haci varios facet di Taekwondo. Despues di e Santana di Cacho nan a core te na final di e caminda unda cu a sigui cu algun facet di Taekwondo un biaha mas. Ora cu nan a caba nan a sigui core bay ariba te na Seroe Colorado y e sero tabata e parti central di e training cu a bira mas pisa. Aki ta unda cu Pedro Cruz di Noord Taekwondo Center a conoce Seroe Colorado.
Ora cu nan a caba nan mester a core bay bek te na e cancha di Tennis pa cuminsa cu cooling down pa despues prepara pa bay entrevista na radio.
