Na e momentonan aki tin un investigacion andando relaciona cu un estafa cu credit card. Anthony Fitzgerald Silverio Arends di Piale Enterprises NV cu ta maneha Oxygen Lounge a wordo deteni na su cas net prome cu fin di siman.
E ta sospecha di na momento cu hende paga cu credit card, e ta skirbi un tip hopi halto, manera $1000 riba e slip y tabata enrikece su negoshi.
Despues cu turistanan a realisa kico a pasa, cu nan cuenta di banco ta bin cu sumanan halto kita, mesora nan a bati alarma na banco. Asina a cuminsa cu un investigacion y a sali afo cu e persona aki tabata maluza e situacion di credit card, caminda cu hendenan ta paga pa despues agrega extra suma como tip.
A base di investigacion, riba ordo di fiscal, a bay over pa detene na su cas. E ta dunando declaracion di tur loke a constata. Esaki sigur ta un sla pa turismo den un situacion dificil na e momentonan aki.
