Riba e fecha di 2 di december 2019, Courtyard by Marriot a habri oficialmente su prome propiedad hotelero den Caribe. Cu e nomber The Courtyard by Marriot Aruba Resort ta habri un localidad idealmente situa den curason di Palm Beach cu ta algun stap di distancia for di nos mahestuoso santo blanco y awa turquoise cu ta rondona e lama Caribense. Cu acomodacion posibel na 200 camber cu ta concentra rond di un oasis di hardin tropical y diferente pool.Anteriormente conoci como The Mill Resort, operando awo bou nomber di Courtyard by Marriot Aruba Resort ta bou maneho di Trust Hospitality cu ta un compania renombra pa maneha boutique hotel y resortnan.
Cu un inversion di $25 miyon pa upgrade e propiedad existente, ta trece na bida un concepto/ diseño contemporaneo y un presentacion pa captura y sirbi biaheronan practico di awendia. Cu un bista relahante inspira pa naturalesa, cu tononan suave di berde, beige, bruin, oro y crema den un fuxion di texturanan di entre otro palo y marbel, e ambiente ta duna un presentacion y tono fresco y moderno cu ta brinda un recepcion calmo y di relahacion.Tur camber y suites ta bou transformacion completo cu baño, azuleho, muebles, set di cama y decoracion nobo. Mas di 75 % di e cambernan ta completamente renoba caba. Ta brinda tambe accesibilidad na 2 pool di awa salo (cu por cierto ta e unico resort riba nos isla cu ta ofrece pool cu awa salo ) cu ta enbeyece e area di e Courtyard cu un Swim-up Bar adicional den e experiencia.
Famia cu ta biaha cu mucha por probecha di e servicio nobo y dinamico pa entretene nan den e Kid’s Club cu ta keda banda di e area di e pool. Pa duna peso y realce na e hardin y area di e pool por en contra e Allegra Bistro, saliendo di e trend di aire fresco, e bistro lo tin un soft opening den luna di augustus.Vicky Perez, kende ta gerente general recien apunta den e posicion ta super contento di ta parti di e groundbreaking. Apuntando e echo cu e inversionistnan, despues di un sondeo global, a tuma e decision y escogencia cu Aruba lo ta e localidad ideal pa e Courtyard by Marriott Resort. Den e propio palabranan di Perez ” Nos isla tin algun di e miho beachnan na mundo, actividadnan excitante, dinning y shopping di renombre mundial, pero Aruba su miho asset ta su hendenan, hospitalidad cu no ta unicamente un trabou riba nos Isla, e ta nos manera di biba”
