E ta inevitabel. Cualkier aña cu ta consisti di 365 dia y cu cuminsa rib’un diasabra, tin un “Friday the 13th’ den e luna di mei. Aña 2022 a cuminsa rib’un diasabra y e tin 365 dia. Pues, den e caso aki, 13 di mei 2022 t’e unico “Friday the 13th” p’e aña aki.
Ademas, cualkier luna cu ta cuminsa riba un diadomingo tambe tin un “Friday the 13th”. Mei 2022 a cuminsa riba un diadomingo. Esey ta otro motibo pa cual tin un “Friday the 13th” den luna di mei. Ultimo biaha cu nos tabatin un diabierna dia 13 den luna di mei tabata na aña 2011. Despues di e aña aki, e siguiente diabierna 13 den luna di mei lo ta na aña 2033.
Den cada aña tin un “Friday the 13th”, semper lo tin por lo menos un. Pues, cuanto diabierna 13 lo por tin den un aña? E contesta corecto ta tres! Den aña 2020 tabatin dos diabierna cu a cay riba e fecha 13 den luna di maart y november. Nos lo bolbe mira dos diabierna 13 na aña 2023, cu lo sosode den luna di januari y october.
Ultimo biaha cu a experencia tres diabierna cu a cay riba 13 y den un solo aña, tabata na aña 2015, specificamente na luna di februari, maart y november 2015. Proximo bes cu esaki lo sosode ta na aña 2026.
Miedo di e dia aki
Esaki ta un miedo total di e fecha “Friday 13th”, tin hopi coincidencia cu ta involucra kalender y “Friday the 13th”. Na prome instante, e “Friday the 13th” di aña pasa a cay riba 13 di augustus 2021. E tabata exactamente 39 (3×13) siman prome cu e diabierna 13 di e luna aki. Otro aña, 2023, e di dos “Friday the 13th” lo ta riba 13 di october, e lo ta exactamente 39 (3×13) siman despues di e prome “Friday the 13th” di 2023 cual ta cay riba 13 di januari.
Tin mas caso cu ta involucra e number 13 y e “friday the 13th”. E dianan di siman ta reorganisa nan mes cu e kalender den ciclo predictivo. E aña 2022 ta dos aña despues di e ‘schrikkeljaar’. Den e limite di siglo 21 (2001 to 2100), cualkier aña cu ta sosode dos aña despues di un ‘schrikkeljaar’ lo wak cu e siman ta coordina cu fecha di kalender den ciclo di 11,17 y 28 aña.
Por lo tanto, un diabierna 13 lo ripiti den luna di mei den 11, 17 y 28 aña. Diabierna 13 di mei 2033, diabierna 13 di mei 2039 y 13 di mei 2050.
