Partido MAS a logra e cantidad di firma cu e mester pa bay eleccion dia 25 di juni proximo. Desde awe, 10 di mei te 18 di mei, e partidonan mester yega 587 firma. Den algun ora partido MAS a logra haya e cantidad di cifra.
Lider di partido MAS, drs. Marisol Lopez-Tromp, ta contento cu nan a logra esey. E ta gradici tur ciudadano cu a bay firma y duna e firma di confiansa.
Cada candidato a traha hunto p’e dia aki di firma, pero awo e trabou ta cuminsa pa bay eleccion.
E paso aki no ta significa solamente cu a logra e cantidad di firma, pero mester mir’e como un señal cla pa tur participante cu pueblo kier mira un cambio.
Pueblo kier mira un parlamento diferente. Den un tempo record di cantidad di firma no ta simplemente pa bay eleccion, pero ta un señal cu hende a dicidi cu nan kier otro persona, otro parlamentario y otro gobernante. MAS tin un team bon prepara. Pa mas informacion lesa www.Trempan.com
