E problema di trahadornan na SABA ta sinta den añanan largo caba

211

Segun Gina Maduro cu ta presidente di sindicato ABV, e fout cu e problema di trahadornan di SABA ta sinta di añanan largo caba. Den SABA tin hopi problema, den e sentido cu e bevorderingnan no a cana manera mester ta. Tin un retraso enorme.

E empleadonan aki tin varios aña cu nan no a haya aumento riba nan salario. Unico aumento cu nan a haya ta indexering. Nan a keda pega den nan salario y ta e grupo di mas grandi, cual ta 47 empleado, cu ta di schaal 5 cu tin cu bay over pa schaal 7. Tin hopi mas problema eyden. Esaki ta e prome grupo. Pero tin tambe e grupo di Schaal 4 cu tin cu bay Schaal 5. Tin hopi caso individual. Tin e grupo di bejaardenverzorgsternan cu no a haci opleiding, pero nan ta grandi. Nan tabata draai e stichting antes. Awo nan ta traha cu niveau 3 y hasta 4. Tur eseynan tin cu wordo drecha. Poco poco ABV ta bezig. E prioridad tabata e grupo di mas grandi. Awo ta sigui cu tur e trabaonan. SABA mes den su desaroyo, mester bay cay bao di AZV den futuro. Ta trabaonan cu ta andando cu no di un dia pa otro ta logr’e. Tin hopi reto den SABA. Esaki ta apenas e prome trabao.

Empleado

ABV ta representa casi 160 empleado di 300. Ta spera cu prome cu bay over na cualkier otro na cualkier otro instancia, si ta AZV mes, cu tur e partinan aki wordo rechtgetrokken bon, pa asina cuminsa riba bon pia.

Reparti

Gina Maduro a sigui splica cu tin cuater cas. Tin na San Nicolas, na Savaneta y dos na Playa. Esey tambe ta e reto. Na hospital e volumen ta mas halto, pero tur ta un caminda. Por imagina cu pa tene reunion, pa tuma contacto directo cu e miembronan, bo tin cu bay na cuater diferente cas, na diferente orario, diferente luga, pa tur haya e informacion corecto. Esey ta e reto cu tin tambe.

A purba di tene e reunion, orario, unda cu por haya mayoria y door cu nan tin tanto aña ta wardando, di nan mes ta bin hopi di nan parti. Hopi di nan ta uza nan oranan liber. Pero nan kier bin scucha y kier nan cosnan wordo regla.

Logro

Maduro a splica cu esaki sigur ta un logro. Tin cu bisa cu SABA tabata tin otro sindicato den pasado, no sa con nan tabata funciona, pero duidelijk cu nan no por a soluciona esaki. Si ABV tabata eyden, hopi tempo caba e problema aki a wordo soluciona.

Friccion

Ora cu nan a drenta for di comienso, tabata tin problema cu e parti di gerencia. Ta trata di e mal maneho cu a wordo comproba di biaha cu ta tumando luga den SABA. Ta bezig ta haciendo algun cambio y pa mehoracion y regularmente ta sinta papia. Awor aki e comunicacion ta miho. Como sindicato ABV tin mas informacion y inzagge. E lo mester ta miho si, segun Gina Maduro.