E opcion y condicion a conduci na detencion

Bida propio y di hende ta na peliger na momento cu opta pa bay tras di stuur di un vehiculo ora cu ta bou di influencia di alcohol. Esaki mes ta e caso di e accidente di awe merdia riba caminda grandi di Savaneta.

A pidi presencia di polis na e crusada dilanti cas di ex-gobernador na Savaneta pa un accidente basta fuerte entre un Toyota Tercel blauw y un Toyota Hilux color cora.

E opcion y condicion a conduci na detencion

E opcion y condicion a conduci na detencion. Click link pa mas https://24ora.news/3bepgi4

Posted by 24ora on Wednesday, March 3, 2021

Esaki a sosode den careda di 12:45 pm caminda un persona e resulta herida. Segun por a compronde na sitio, e Toyota Tercel su intencion tabata di lora dilanti e Hilux pero no a midi distancia ni velocidad cu consecuencia cu e Hilux a bay dal den dje.

Polis na sitio a cuminsa tuma datos y a nota / sospecha cu un di e partidonan lo ta bou di influencia di alcohol. A deten’e mesora na sitio. Mientrastanto a pidi presencia di ambulance pa atende cu ocupante di e Hilux cu a resulta herida. Un rato despues a transporta e detendio pa warda.

Daño material ta considerabel na ambos vehiculo.