Mainta trempan den oranan di 9:30AM, a manda un patruya pa un adres, ya conoci caba pa Polis, na Santa Cruz. Segun informe cu a drenta, un homber lo tabata maltratando un muhe formalmente.
Den un rat’i ora polis a yega na e adres, pero unabes eynan, e situacion a resulta un tiki mas complica cu a kere den prome instante. Segun informe na e sitio, pa via di jaloezie, a surgi un pleito formal entre e homber y muhe den e apartamento. E pleito a sali full for di man unda sla a cuminsa cay. Den e proceso varios cos a wordo destrui den e apartamento.
Pa evita mas destruccion y problema, un persona a yama polis p’asina intermedia. Na final a detene e homber y transportwagen a bin pa hib’e warda di Polis, mientras e muhe tambe a wordo hiba, pero den e auto di patruya mes.
