E motibonan pakiko durante ocho anja di gobernacion 2001-2009 no a mira fruto di e labor

OLYMPUS DIGITAL CAMERA

E destinacion robez di e placa durante gobernacion 2001-2009 ta conoci. Esey a haci cu Aruba ocho aña, durante gobernacion anterior, no a mira e frutonan di e labor di e pueblo aki y awe, habri bo porta, bo ta mira frutonan di e labor di cada pueblo. No ta placa di Gobierno e ta, ta placa di pueblo e ta, cu awe ta wordo inverti pa pueblo. Si ta den reparatietoeslag, si ta den aumento di bijstand, si ta pa yuda esnan di menos recurso, cu schoolkindertoeslag, ta placa inverti pa pueblo por tin un miho oportunidad di desaroya nan mes. Y ainda falta hopi, pasobra e retraso cu a haya Aruba aden, den cada bario, na cada scol, na cada centro di ciudad, den saco di nos conciudadanonan tabata sumamente grandi y mester a haci cambionan enorme, cambionan tin biaha ta mira den bario, pero tin biaha ta wak’e den cosnan mas grandi, manera un hospital nobo, den un containerhaven, den infrastructuranan grandi. Bo ta mira cu for di necesidadnan basico di e ciudadano, bao di 2500, reparatietoeslag, kindertoeslag, te cu hospital nobo, te cu containerhaven, e prioridad di e liderasgo di e Gobierno aki ta, pa sirbi pueblo, traha pa pueblo. Esnan cu tabata tey ocho aña pasa, awe ta nan yiunan tey den oposicion, cu e mesun retorica, cu e mesun prioridad, cu ta nan mes. Nan no ta papia di e futuro di e pais akinan. Nan no ta papia di e muchanan di menos recurso. Nan no ta papia di e necesidad pa nos haci un siguiente etapa di progreso pa Aruba. Nan ta papia di negativismo y esey ta haci cu gobierno tin un responsabilidad grandi pa garantisa cu tin continuidad di e progreso aki y comparti cu nos comunidad, algo cu ta esencial di nos Gobernacion, ta comparti’e cu nos comunidad y no cu algun. Esey ta marca e diferencia te awe, entre partido AVP y e otronan.