Si nos wak na diferente grupo di hende, nos mester puntra nos mes ki tipo di grupo nos kier na pia di trabao. E trabao comercial ta mustra hopi cla riba esaki.
Si bo no ta pas den e esfera laboral, e ora ey bo ta strobe. Esey ta loke un doño di trabao no kier. Bo educacion sigur, ta importante, pero den e ultimo añanan nos ta mira cu e mentalidad laboral hopi biaha ta hunga un rol mas grandi den buscamento di trabao.
E doño di trabao ta deduci cu un diploma no ta bisa tur cos riba e resultado na pia di trabao. Loke abo sa, por yudabo pa e porta habri p’abo, pero ta te ey e ta yega. Bo mentalidad laboral y bo empeño ta loke ta conta. Esaki tambe tin influencia riba bo salario. Promocionnan ta wordo haci ora cu e mentalidad laboral ta bon y e rendimento di bo trabao ta mas halto compara cu otronan na trabao. Si bo ta bay bon cu presion, ta logra deadlines, ta cumpli cu afspraaknan y mustra cu bo por crece den bo area di trabao, bo ta wordo financieramente compensa.
Si esey no sosode cerca bo of bo ta crece menos cu e otronan, esey por costabo bo trabao. Door di esey e dunado di trabao ta saca lo maximo di su trahadonan y e cliente ta haya e miho servicio posibel di e empresa.
Aki ta sigui algun tipo di trahado cu bo por bin haya na un empresa. Den un articulo anterior, nos a pone tambe algun di e gruponan aki.
Orienta riba conveniencia
E consumidor impulsivo cu na prome luga ta esforsa pa logra un bida despreocupa, agradabel y comodo. Nan ta desinteresa den politica y den sociedad. Nan kier pasa pret y lucha pa e rikesa material. Nan tin poco ambicion. Nan tin poco responsabilidad. Nan estilo di bida ta centra den e visualisacion exterior y ta materialista y orienta riba consumo. Nan tin un forma di pensa individualista pero tin un ideal familiar. Nan ta mas hende muhe cu hende homber cu tin menos educcion y tin ingresonan mas abao. Hopi biaha ta hobennan kendenan tin e estilo di bida aki.
Mobilmente orienta
Nan ta individualistanan orienta riba nan carera cu un fuerte fascinacion pa e status social, tecnologianan nobo, riesgo y tension. Nan ta completamente liber di tradicion y obligacion, loke ta haci nan completamente habri na innovacion y cambio. E gruo aki ta hopi orienta internacionalmente. Tin un motibo central riba veld. Trabao ta hopi importante y ta duna nan identidad y estado. Nan ta anhela reconocimento y kier ta aprecia. Mehora e ingreso semper ta un meta. Nan ta hopi tecnologico. Ademas, nan ta materialista y sensibel segun su status, pero nan ta hopi impulsivo y aventurero. Nan ta mas hende homber cu hende muhe cu ta relativamente hoben. E nivel di ingreso y educacion ta hopi diverso den e grupo aki.
Cosmopolitanonan
Ciudadanonan di mundo hopi critico cu ta integra balornan postmoderno manera desaroyo y experiencia cu balornan moderno manera exito, materialismo y placer. E grupo aki ta motiva socialmente y ta esforsa pa e exito social. Nan ta orienta internacionalmente. Nan ta hopi interesadonan social y politicamente. Nan tin un motibo central y hopi ambicioso. Nan ta enfoca riba mehoracion di ingreso, pero nan trabao ta duna nan un status y ta proporciona nan identidad. Nan ta orienta riba consumidor, loke tambe ta nifica materialista y orienta pa tecnologia. Riba rednan social nan ta sobresali y ta busca personanan cu manera. E grupo aki ta forma pa tanto hende homber como hende muhe di edadnan mas hoben cu ya tin un ingreso mas halto.
Si nos wak na e sector social y funcionarionan publico aki na Aruba, ta laga nos hopi na caya. No ta wordo controla riba e intesidad di trabao, motivacion of mentalidad. Personanan ta haya posicionnan cu tin conexionnan for di links pa rechts. Nan superiornan no ta comproba e desempeño laboral na e luga di trabao. Promocion ta wordo basa riba tempo na luga di rendimento. Por traha hopi duro, pero esey no ta nifica cu lo bo wordo recompensa financieramente p’esey.
Esey ta elimina e motivacion di hopi hende. Esun cu ta sufri mas di eey, ta e comunidad di Aruba. E nivel di servicio ta sigui ta abao mirando e mentalidad laboral. Ausencia ta hopi halto y eticanan di trabao ta laga di desea. E manera di traha aki riba tereno di trabaonan social, ta wordo manteni instantaneamente door di corupcion y vriendjespolitiek.
Faboritismo ta na ordo di dia. Ora algo malo sosode riba e campo social, personanan ta cuminsa punta dede riba otro y ta grita pa mas placa of recurso. Tin hopi mas interes den con nos ta traha. E mentalidad di trabao ta e problema riba e campo aki. Tin cu haic algo di forma structura. Ya nos a ricibi e ehempelnan di e sector comercial. Pero e modernisacion solamente por sosode si nos kira politicamente e corupto y vriendjespolitiek pa asina e sociedad na Aruba por obtene e beneficionan di e estado di bienestad den cual nos ta biba aden.
