Bo tabata sa cu Obamagate ta e tendencia na Merca mientras Coronavirus ta tapa e ciclo di noticia?
Y bo no ta haya straño cu un virus manera griep por cera un gran parti di mundo? Desde cu Trump a bira president el a cuminsa bringa pedofilnan den posicionnan halto. Un di su prome leynan tabata pa kita propiedad di pedofilnan y traficadornan di mucha.
Jeff Epstein e pedofil mas activo na mundo tambe tabata e tendencia bou di “Jeff Epstein didn’t kill himself.” Un dia despues cu hues a kita su suicide watch den prizon, camara ta paga y siguridad ta pega soño. Jeff Epstein ta horca su mes na un cama di dos persona.
Donald Trump a bisa cu nan tin tur Jeff su videonan cu nomber ariba nan. “We have them all” y “We caught them”,Trump a bisa. Tur cu a bula den Jeff su avion, e “lolita express”, pa su isla priva den Caribe, ta riba video como prueba. Ta trata di famianan real, artistanan di Hollywood y tur tipo di gobernante y elitenan.
Bo no a ripara cu 2020 a cuminsa cu Amazonia, Australia y California ta kima? Asina hopi otro sucedidonan straño ta tuma luga.
Segun Q (Inteligencia Militar) e “deep state” ta bay haci tur cos posibel pa Trump no gana e caso, senado y presidencia na 2020. Pasobra, si Trump tin tur tres na su banda hopi lo bay cera.
Hopi Republicano, e ‘never Trumpers’, a bandona politica y a wordo reemplasa e ultimo tres añanan. Trump ta e prome nominado presidencial cu ningun president anterior di su partido Republicano a promociona pa bira president.
Bou di Trump mas CEO a tuma nan retiro den historia di Merca.
Corda cu antes tur cos tabata wordo traha na Merca y nos tabata haya productonan di calidad halto na Aruba tambe. Segun Trump, patrimonio Mericano a wordo bendi y awo tur cos ta wordo traha na China.
Segun William Barr, procurador general di Merca, tin miles di acusacion na caminda.
E ta cuminsa na e abuso di e corte di FISA, unda cu hefe di FBI y CIA a gaña pa spiona y cera general di tres strea, Michael Flynn. E caso Flynn a demostra cu Joe Biden y Barak Obama a uza e FBI y CIA pa spiona e hendenan rond di Trump.
Pa e acusacionnan na caminda Donald Trump a laga drecha y modernisa e prizon di Guantanamo Bay na Cuba.
Nos tambe ta den e tormenta. Merca, Russia y China ta den guera y ta parce cu nos a bula den e pos ora nan a bisa nos pa bula. Y asina a cera nos frontera y economia. Ta momento pa nos na Aruba yuda otro pa hunto nos sali afo.
Skirbi pa un “Observador Critico”
