E ekipo di “No Mercy” ta titula campeon di Copa Cees Bossers 2018

Recientemente a tuma lugar e di 19e Copa Cees Bossers na Eagle Beach. E evento deportivo cu a bira un tradishon pa nos comunidad durante e temporada di campamento y aproximadamente 2,500 persona a bishita e evento.

S.V. Juventud Tanki Leendert (JTL) kier a felicita e ganadornan di e di 19 campeonato di Copa Cees Bossers:

Categoria Masculino:

1e lugar:          No Mercy

2o lugar:          Lost Boys

3er lugar:        Donkey Kong

4o lugar:          SV Porto

Lifida Mini-minibaby:

Campeon:        RCA

Sub-Campeon: United

Lifida Baby:

Campeon:        Estrella

Sub-Campeon: Bubali

Lifida A:

Campeon:        RCA

Sub-Campeon: Britannia

Lifida B:

Campeon:        RCA

Sub-Campeon: Estrella

E magno evento aki tawata posibel danki na apoyo di Aruba Voetbal Bond (AVB) como sponsor principal y demas sponsors, Malta Balashi, Lotto pa Deporte, Setar N.V., Gobierno di Aruba, Compra N.V., Adidas, Sra. Irma Bossers, Adju Upholstery y mas cu claro e team dinamico di JTL cu a traha incansabel pa engrandese e deporte di beach soccer na Aruba.

“Nos a tuma e tempo pa cada dia di e evento gradici personanan clave y a honra varios persona cu a percura pa e exito di e evento durante e 19 añanan. A obsekia na Sr. Hubert Leest, Sr. Siguerd Obispo, Sr. Anthony Maduro y Sr. Mario “TInchi” Faro un regalito di aprecio pa nan aporte. Un danki na tur sponsor, organisacion, ekipo, mayor, fanatico y mas cu claro miembronan di prensa cu a comparti cu nos durante e evento.” Sr. Roland “Jachi” de Cuba ta subraya.

Preparacion pa e gran evento marcando 20 aña di Beach Soccer na Aruba a cuminsa caba pa presenta na nos comunidad algo realmente magnifico.

Pa mas informacion y potret por bishita: www.facebook.com/beachsocceraruba