Diaranson atardi, Departamento Meteorologico di Aruba a pronostica cu lo cay cay entre 25 pa 35 mm di awasero na Aruba y cu ta spera inundacionnan. Danki Dios a resultado no tabata manera pronostica y berdad tabatin awasero pero no na un estado cu a inunda cas of barionan. Sinembargo, mas cu a pronostica, a cay 38.4 mm di awasero entre diaranson 8:00 am y diahuebs 8:00 am.
Asina mes, nos ekipo di produccion a bula cu drone pa haya un bista for di halto di con Aruba a lanta riba diahuebs. Por menciona cu cunukeronan ta contento pasobra algun dam a yena, cu ta garantia pa awa pa planta den e siguiente simannan. Pa nan, mas awasero, miho. Tambe a nota areanan di nos isla cu a lanta mas berde, debi na e mesun efecto di awasero cu a cay riba diaranson.
Manera cos ta mustra, e situacion atmosferico ta indica cu lo tin un humedad persistente den region, cu ta atrae hopi nubia. Awe por spera awasero cortico atrobe cu chens di strena cu lamper. Meteo ta alerta cu door cu e yobida por ta fuerte, cu e por causa molester na cierto parti di nos isla.
