E di dos “Silver Entrepreneurship” pa pensionadonan

IDEA (Desaroyo pa Empresa Arubano) un unidad di Departamento di Asuntonan Economico, Comercio y Industria, ta organisando un workshop hopi interesante pa tur persona cu tin hopi energia incluyendo pensionado y cu ta desea pa sigui uza nan carera y experiencia di bida den nan mes un negoshi.

Despues di un siman di e workshop exitoso di “Silver Entrepreneurship” den e luna di juni 2019, nos a dicidi di organisa un segundo parti di “Silver Entrepreneneurship Part II” workshop.

E workshop aki lo duna algun tips of contestanan ariba algun preguntanan cu hopi biaha un persona sa puntra su mes ora cu e ta yegando su bunita edad di pensioen manera:
kico pa bay haci awo of con pa bay sigui awo of kisas ta den duda si ta bezig cu un negoshi of hobby y banda di esaki kier sigui update su mes cu technologia y innovacion.

Diferente profesional den diferente ramo lo presenta workshop y trece e siguiente temanan na papiamento dilanti:Qredits Aruba lo presenta; “Microcredit, an opportunity for you to be entrepreneur”;Departmento di Labor y Investigacion (DOA) lo presenta; “Get up to date with the Employment Law obligations as an employer”;y Loui Henri Media Services VBA lo presenta; “Social Media Marketing for Startups”.

E workshop ta completamente gratis y ta tuma lugar dialuna, 23 september, di 9:00 a.m. pa 12:00 p.m na Departamento di Asuntonan Economico, Comercio y Industria. na Sun Plaza, di dos piso, sala # 25. Personanan cu ta desea di participa por bel pa registra nan mes na IDEA, sra. Louella Croes of sra. Judella Trim na telefon #: 521-2439/ 521-2440/ 521-2400. Of manda un email na [email protected]. No tarda pasobra e cupo ta limita, nos ta wardabo!