Awe mainta pa mas of menos 7’or funcionarionan di Warda nos Costa a tene un rond di control y na mesun momento ta bolbe tene e conteo di rutina y ta ripara cu falta dos persona. Obviamente e ilegalnan a huy di marduga, pero niungun hende a tuma nota y ta te mainta a bin ripara. A cuminsa cu investigacion riba paradero di e dos personanan, pero no a logra topa cu nan mas! Ta trata aki di e di 7 y 8 ilegal cu ta huy na e mesun facilidad pa e aña aki.

Den investigacion cu a haci a topa cu tralie di un bentana di un cel kibra. Inmediatamente a notifica Polis cu a manda un patruya di biaha pa mira kico a sosode y a suministra potret y nomber di e dos detenidonan cu a huy. E dos detenidonan indocumenta tabata sperando riba nan deportacion.

Atrobe ilegalnan ta corta bara di cel y huy.

Posted by 24ora on Saturday, September 14, 2019

Mester menciona cu den e centro di detencion, ta inclui varios detenido, entre otro ex presonan/criminalnan for di KIA cu ta pendiente nan deportacion. Ta obvio cu Warda nos Costa no por garantisa cu ta wanta e detenidonan cera eyden.

Ta trata aki di dos Venezolano; Nan ta Reny Anthony Baralt Espinoza naci dia 17 di Februari 1992 y Luis Fernando Luna Guevara naci dia 22 di Juni 1970. Ta urgi comunidad, cu si bo por sa algo di nan paradero of unda nan ta scondiendo pa yama nos tiplijn 11141. Ta garantisa Bo anonimidad.

Comments

comments