E cuminda y bebida cu nos ta consumi y e energia cu nos ta uza mester ta den un balansa

238
Send a Tip 24 Whatsapp
i10 Sedan
Download nos App
RBC Loan Calculator
Blossoms Special Menu
CMB Ban Cobra
RBC Holiday Loan

Ibisa ta enfoca den promove un bida saludabel, parti actividad fisico, sigur parti di nutricion, e parti di salud emocional y tambe e uzo di tabaco y alcohol. Segun Sharlene Leslie, diestista, nutricionista y tambe funcionario promocion di salud na Ibisa, e cifra di muchanan di obesidad ta alarmante. Pero e cifranan so ta subi na edadnan mas halto, esta cerca e adultonan. E mesun cifranan aki ta mustra cu 77% di e adultonan na Aruba ta obeso of tin sobrepeso. Esaki ta bin cu hopi riesgo pa salud. E riesgo pa haya problemanan no transmitibel ta hopi halto.

Beat the Heat ACC
I am Consultancy
Red Fish Eat Local
BENU – Cambia y Gana
CIBC Get Moving

Bo tin un chens mas grandi pa ta diabetico, pa haya presion halto, bo por pensa riba malesanan cardiovascular. E riesgo aki por cuminsa na un edad hopi abao caba. No mester enfoca riba e muchanan so, pero esnan adulto caba cu tin sobrepeso of ta obeso mester traha riba nan salud tambe pa por baha e riesgo aki. E evidencia ta mustra cu si bo purba di baha di peso, e por ta cinco of hasta 10% di bo peso actual, por tin un efecto positivo riba e riesgo pa problemanan di salud of por hasta yuda baha complicacionnan di e problema di salud.

Kico por haci pa reduci e peso

Bo mester wak e subimento di peso como un balansa. Un balansa di energia, unda cu bo tin na un banda e cantidad di caloria, energia cu ta drenta den nos curpa y di otro banda e cantidad di energia cu nos ta haci uzo di dje. Esaki preferiblemente mester ta den un balansa. Cu e cantidad cu ta drenta den nos curpa, cu nos ta haya via nos cuminda y bebida, e cantidad cu nos ta uza, ta den balansa. Na momento cu nos come of bebe mucho hopi caloria, compara cu e cantidad cu nos ta uza, e ora ey nos por subi di peso, pasobra tur e extra energia cu nos curpa no ta haci uzo di dje, nos ta ward’e den nos curpa como vet.

Con por baha e proceso aki

Door di zorg pa haya tiki menos energia of caloria door di haci escogencianan mas saludabel y tambe door di haci mas actividad fisico.

E dos puntonan aki caba ta yuda baha e peso y den un temporada largo baha e riesgo di problemanan di salud. Por pensa riba limita consumo di vet y sucu, esta productonan cu ta hopi halto den vet malo y e uzo di productonan halto den sucu. Door cu e productonan aki no tin otro nutrientenan den dje, nos curpa no tin mucho beneficio den dje, nos ta haya calorianan bashi.

Tambe por pensa den aumenta e consumo di fruta y berdura. Fruta y berdura ta e natural superheroes. Nan tin tur e vitaminanan, mineralnan y antioxidantenan cu nos curpa mester pa proteha nos mes contra di diferente virus, bacteria, etc. Tambe pensa riba granonan completo (volkoren). Door cu nan ta contene hopi fibra y nan por contene vitamina of antioxidante. Por pensa riba pan volkoren, aros bruin of zilvervliesrijst, of pasta integral. Por pensa riba bonchi, esta peulvruchten y tambe riba un granola of oatmeal, muesli of papa. Haci actividad fisico, ta e otro banda di e balansa. Ta recomenda sigur pa mucha 60 minuut di actividad fisico pa dia. Imagina cu e scolnan ta haya 20 minuut di pauze y 1 ora di actividad fisico door di gym. Ta hopi importante pa pafo di scol tambe nan haci actividad fisico. Mas edad subi, menos activo nos ta bay ta. Nos ta bay cuminsa core auto, por ta nos ta sinta na trabao y no ta move hopi. Si nos no haci extra actividad fisico, nos no lo bay yega na e cantidad cu nos mester. Pa adulto, nos mester por lo menos 30 minuut pa dia. Esun cu tin sobrepeso of obeso esey ta mas direccion di 60 minuut pa dia. Ta hopi importante pa nos wak durante dia con nos ta yega na e actividadnan aki. Ta pensa tambe riba 150 minuut pa siman. Esey ta duna e opcion pa haci actividad fisico riba algun dia pa siman. Pero importante ta full e siman, henter e dia, nos ta limita na e cantidad di ora cu nos ta siman, cu nos ta inactivo.

Naturalmente e parti di nutricion no ta e consecuencianan cu bo ta haci, sino tambe di influencianan di afo tambe. Kico ta ofrece riba caya por ehempel of na e scolnan, of na trabao hasta. Ta importante pa e industria di cuminda tambe cuminsa pensa di con por contribui na mehora e salud di nos comunidad. E ta un responsabilidad di nos tur pa yuda otro. Por pensa riba baha e cantidad di vet, sucu y hasta salo den productonan. Hopi biaha productonan cu nos ta come pafo di cas, ta contene hopi di e productonan aki. Por pensa tambe cu tin opcionnan mas saludabel. Cuanto biaha nos ta bay come algo afo y no tin ningun opcion saludabel. Hasta si bo ta haci un escogencia saludabel, bo no tin e opcion ey. Ta pesey ta pidi e industria eyfo, pa tin mas opcion saludabel pa esun cu ta scoge pa tene un bida mas saludabel cu nan por haci e escogencia aki.

Mester pensa tambe riba e adulto y e efecto riba muchanan. Muchanan ta haci hopi biaha loke abo ta haci y no loke bo ta bisa. Como mayor ta hopi importante pa duna e ehempel corecto y bisa nos yiunan pa come fruta y nos ta come un pastechi. Mester duna bon ehempel na e yiunan pa siñanan kico ta un estilo di bida saludabel pa tin un bida mas saludabel den futuro y un calidad di bida mas halto tambe.

Comments

comments

home improvent
AC Delco 20% Service
Dragon Fly
Roll The Dice Better Price