E Cruz di Luz lo subi camindanan di Aruba diahuebs anochi pa 11’or y mey

Diahuebs Santo, den oranan di anochi, e Cruz di Luz lo subi camindanan di Aruba pa 11’or y mey di anochi, saliendo for di Parokia Birgen di Fatima, durante di peregrinacion na Dakota te na Kapel di Alto Vista.

Caminda di Cruz na Dakota pa Alto Vista ta ofrece e peregrinonan oportunidad pa cana 11 km durante oranan di anochi di diahuebs Santo manece Bierna Santo. Durante e peregrinacion tin momento di oracion di Santo Rosario, canto cu musica en bibo di Gig Aruba pa compaña e reflexion personal.

Na pia di sero di Kapel di Alto Vista ta cuminsa cu e oracionnan di Caminda di cruz na e 14 stashinan. E aña aki ta e di 14 edicion.
Pa prome biaha lo cana cu un cruz full ilumina durante e peregrinacion pa duna e mensahe na mundo cu Hesus a muri na e Cruz pa nos bida por ta yena di Luz awe