Specialmente pa e temporada aki di fin di aña, den cual famia, amistadnan y coleganan ta uni den cenanan di Pasco, ta bale la pena considera Marina Pirata Restaurant situa na Spaans Lagoen, na Pos Chikito. E restaurant cu un pier grandi, ta conoci como e sitio idea pa disfruta di e bahada di solo mas espectacular y impresionante di henter nos isla!
Por probecha reserva mas pronto posibel na telefon 585-7150, pa sigura espacio pa Bo y Bo compania, grupo of amistadnan. Dependiendo e cantidad, por reserva henter e pier tambe pa Bo evento special.
Marina Pirata Restaurant ta existi desde aña 1983 y tin un experencia amplio den prepara y presente cuminda di lama, cu pisca di e mesun piscadonan den vecindario cu diariamente ta entrega pisca fresco pa nan bende. Separa di “seafood” nan menu ta encera un variacion di otro platonan tambe.
E ekipo di bartender, waiter y cokinan na Marina Pirata Restaurant ta conoci pa hopi aña caba pa nan servicio excepcional. Marina Pirata ta bou maneho di e conocido Didi y su yiu homber Ricky Donker.