E aresto illegal di James Finies den Korte Komun di Hustisia di Antia

E prokurado-general mr Bos a wordu ordena pa Korte Komun di Hustisia di Antia pa un kaso publiko I lo tin ku defende e raport I informenan falsu di Sr Charlie Mercelina, e polis ku tabata enkarga ku e aresto illegal di e aktivista di derechonan humano I presidente di Nos Kier Boneiru Bek sr James Finies riba 6 september 2019.

E kaso tabata basa riba un karta kontroversial di gezaghebber Rijna, ku e outoridatnan nunka a publika, mustrando ku Finies no a kibra o no a keda sin kumpli ku niun restrikshon o kondishon ku tabatin den e karta aki.

E kaso aki ta di sumo importansia pasobra sin libertad di ekspreshon no ta posibel pa goza, disfruta di niun otro derechonan. Sr Finies, defensor-di-derechonan-humano, un bolunatrio filantropiko dedika I pasifiko ku ta luchando pa e derechonan viola I trapa di e suidadanonan Boneriano. Outoridatnan Hulandes pa medio di abuzo di poder aki nan uniko intenshon tabata pa intimida I silensia e bos di e pueblo Boneriano ekspresa pa sr Finies I flagrantemente a viola Artikulo 19 di e Deklarashon Universal di Derechonan Humano, e derecho di libertat di ekspreshon I asosiashon pasifiko.

E fiskal di Bonaire mr Blanco a disidi basa riba e raport I informashon di sr Charlie Mercelina falsamente fabrika pa hustifika nan akshonan I aresto illegal di e insidente riba 6 september 2019, a kondena sr Finies na un anja kondishonal. Si no e lo wordu persigui si e komete kualke otro ofensa kriminal durante e periodo kondishonal. Fiskal mr Blanco a pone e deklarashon aki dilanti sr Finies riba 8 oktober 2019 pa e bai di akuerdo ku ne I firme. Finies a rechaza I opone na sepo kondishonal aki, un storia di un banda so di e polis Charlie Mercelina ku falsamente a raporta kontrario na e berdat ku henter mundu a wak live via facebook na e momento ku esaki tabata tumando luga na Wilhelminaplein.

Un showoff sin presedente di abuzo di poder pa polis kontra di e defensor-di-derechonan-humano pasifiko Finies ku tabata den su ful derechonan di akuerdo ku ley internashonal I e deklarashonan universal di derechonan humano, pasobra Finies no a forma ni tabata menasa o peliger pa salud o bida di niun hende ni di su kompanjeronan o publiko general I no a kausa ni tabata problema pa orden publiko ni pa trafiko. Publiko ta invita na kaso publiko di aresto illegal di defensor-di-derechonan-humano James Finies diamars benidero 18 februari pa 2or merdia na sala di korte na Bonaire pa medio di konferensia-via-video komo ku e Korte Komun di Hustisia di Antia I su huesnan I e prokurado-general lo ta den korte na Korsow I e akusado sr Finies I su abogado lo ta den sala di korte na Bonaire