Alexander Pechtold, lider politico di partido D66, ta tuma despedida diamars for di politica nacional, despues di 12 aña y mey y tambe e lo pone su Presidencia di e comision di Tweede Kamer pa Relacionnan di Reino, disponibel. Pechtold a anuncia su salida durante congreso di D66 na Den Bosch.

“Ta momento pa un generacion nobo“, el a bisa. Aunke den e ultimo lunanan tabata tin hopi speculacion riba su despedida inminente, e noticia tabata un sorpresa pa hopi. E mes a declara cu, den herfst di aña pasa, pa prome biaha el a pensa pa bandona politica di Den Haag.

Na Maart el a corta e lasonan. El a dicidi pa participa un biaha mas den Prinsjesdag y tambe den e Algemene Beschouwingen, pa despues e tuma su retiro.

Pechtold tabata alcalde di Wageningen tempo cu na 2005, su colega di partido, Thom de Graaf a sigui’e como Minister di renobacion administrativo y relacionnan di reino. El a logra gana impulso den negociasionnan doloroso ora e desolve Antias Hulandes.

El a para pa su siguidornan Atzo Nicolai (2006) y Ank Bijleveld (desde 2007) y e mandatarionan di Corsou, Sint Maarten, Boneiro, Sint Eustatius y Saba pa haya e caminda pa reforma di dia 10 di October 2010.

Como lider di fraccion Pechtold a keda sigui e desaroyo di e partinan Caribense di Reino, hopi biaha el a pasa su vakantienan eynan. Despues di eleccion di 2017, el a bira Presidente di e Comision di Tweede Kamer pa Relacionnan di Reino.

Comments

comments