E 4 campeonnan di aña pasa a retene nan titulo pa GG Duathlon Nacional 2019

Aruba Triathlon Association a organisa dia 15 di september ultimo e GUARDIAN GROUP Duathlon Nacional. E evento a start 7 or di mainta na Boca Catalina.

E 4 campeonnan di aña pasa a retene nan titulo:

– Campeon Masculino             Giannon Eights           1:03:10

– Canpeon Femenino               Shamira Clara              1:16:55

– Campeon Kids Masculino    Justin Morales                28:51

-Campeon Kids Femenino      Rebecca Jansen              33:46

Tawatin 31 atleta individual den Junior/Adulto y 5 Relay Team pa e distancia Sprint.

Pa complete e distancia di Sprint e tri-atletanan mester a core na pia 5 km, despues core un distancia di 20 km riba bais y finalisa e competencia door di core na pia un biaha mas 3 km. Pa e distancia Super Sprint tawatin 15 atleta individual Kids, 9 atleta Adulto y 8 Relay Team.

Pa e competencia e distancia Super Sprint e tri-atletanan mester a core na pia 2,5 km, despues core un distancia di 10 km riba bais y finalisa e competencia door di core na pia biaha mas 1.5 km. Careda na pia tawata entre Boca Catalina y Arashi. Ciclismo tawata e ruta Boca Cathalina – Tiera del Sol – Bakval – Rotonde Marriott – Boca Catalina.

A participa un total di 81 atleta. Pa e resultado completo bishita e website di ATA: www.arubatriatlon.com A.T.A. kier a gradici tur fotografo, polisnan, Volunteer Motor Unit, bolunatarionan cu a yuda cubri e ruta, sponsornan Guardian Group, Lotto y Stichting Sport subsidie Aruba cu a haci e evento aki posibel.

Un danki di curason ta bay na tur e mayornan di e atletanan y tur otro persona cu a bin apoya e atletanan e mainta trempan ey. Nos ta topa bek pa e Sprint Triathlon, dia 13 di oktober 2019 na Boca Catalina!! E evento aki lo ta den e siman di ASU Olimpiada. Inscripcion ta sosode via: www.arubatriathlon.com.  Corda sigui nos ariba nos pagina di facebook Aruba Triathlon Association, pa bo keda informa di tur nos eventonan.