Departamento di Salud Publico, ta haci un suplica na tur persona cu ta bende cuminda y/of bebida pa tene cuenta cu cierto punto.
E puntonan cu tin di tene cuenta cu nan ta:
· Manera ta prescribi den ley di Personeelsbesluit warenverordening: tur persona cu ta bende cuminda y/of alcohol mester tin nan carnet di Certificado di Salud (Gezondheidsverklaring) na ordo. E carnet di Certificado di Salud mester ta vigente y visibel pa e controladonan di Departamento di Salud;
· No ta acepta recibo como reemplasante di e carnet di Certificado di Salud (Gezondheidsverklaring);
· Mester cumpli cu tur regla di higiena manera:
– limpiesa;
– separacion di alimento;
– tur alimento mester ta bon cushina;
– uzo di temperatura cu e alimento mester cumpli cu ne;
– uzo di awa y alimento liber di peliger;
Durante inspeccion si acaso no cumpli cu e rekisitonan menciona Departamento di Salud Publico lo aplica sancion si ta necesario.
Esunnan cu mester aplica of renoba nan carnet di Certificado di Salud, mester haci un cita online via e siguiente website: www.dvg.aw.
Pa mas informacion por tuma contacto libremente cu seccion di Inspeccion di Alimento y Higiena di Departamento di Salud na telefon 5224273 / 5224274 / 5224275 / 5224279 of via e-mail: [email protected].