DVG: Cargamento grandi di PCR Test a yega awe

1244

Siman pasa Crisis Team a confirma locual ya Minister Dangui Oduber y tambe Dr. Horacio E. Oduber Hospital a participa, esta cu a bestel mas PCR test na tempo y cu e weekend aki nan ta yega Aruba. Awe diadomingo Crisis Team di Gobierno ta confirma cu e cargamento a yega Aruba y comunidad por ta trankil cu tin suficiente test pa e siguiente lunanan.

Siman pasa a crea un poco panico ora cu un otro medio di comunicacion a informa cu testnan ta scars y cu pesey lo ta test menos hende. Gobierno no a keda contento cu e informe y a contradeci e ponencia mesora. A sigura cu berdad a bestel mas test, pero cu na ningun momento por conclui cu testnan a caba of ta cabando. Hecho ta cu Aruba ta haci hopi test, specialmente na aeropuerto y na laboratorio di Hospital bou di nos ciudadanonan local.

DVG ta recomenda tur hende, si bo tin sintoma, keda cas y tuma contacto lihe cu bo Dokter di cas. Mas trempan bo haci bo test, menos chens bo tin pa infecta bo famia of otronan.