Duo arma y cu droga deteni na Pos Chikito

Diamars anochi polis a topa cu dos homber dilanti Tio Pepe para den un forma sospechoso. A dicidi di tene un control riba nan. E control a sali polis di bon, mirando cu a topa cu droga y arma den nan poder.

A topa cu un arma blanco y un cantidad limita di droga. Cu refuerso di mas unidad di polis, a bay over mesora n’e proceso di detencion. Polis tabata hopi atento ta controla den Pos Chikito, mirando cu un rato prome; un auto cu algun tipo aden a pasa los tiro den Sabana Basora Noord.

Por lo menos un di nan tabata parce un di e sospechosonan cu a los tiro un rato prome. Na final a resulta cu no t’e. Tabatin suficiente motibo pa toch presenta nan dilanti un subfiscal kende lo dicidi riba nan encarcelacion.

A topa cu droga y arma dilanti Tio Pepe na Pos Chikito

Posted by 24ora on Tuesday, May 10, 2022