A gara “Dun” ta horta atrobe na Monserat

Diadomingo mainta autoridad a bay pa un yamada di ladron den accion. Na un cas na Monserat segun informacion tin un ladron. Unidad di Noord tabata mesora na e sitio. A bin gara e conocido Dun di Turibana hortando den Monserat.

Polis a bay den accion y ta detene. A pidi pa dogcatcher y bay cune warda. Sub Fiscal lo bay dicidi riba su libertad. Dun tin adiccion na droga y ta teroriza henter e zona di Turibana cu Monserat etc. Awor tin varios cas den construccion na Monserat.

Ta mira movecion di Dun constante den e area. Marduga e ta probecha y horta. Un hende mester ta cumpra e cosnan for di dje of cambie pa droga. Riba e foto por mira e momento di detencion diadomingo mainta trempan.