Diamars despues di 6’or di atardi, diferente informe a drenta na nos redacion cu pa di tantisimo bez e dump na Parkietenbos mester ta na candela.
Enberdad na yegada di nos reporteronan a constata cu un bon pida tabata na candela atrobe y tabata produci basta huma. Esaki no ta e promer biaha cu e Dump aki tin candela y nos a ripara cu ki ora cu e dump sera, candela ta start.
E situacion di e dump aki tin e habitantenan di Parkietenbos fada caba.
Ta varios biaha nan a keha riba e situacion aki y cu tur instancianan concerni. Un molester constante di musca, holor malo y regularmente candela cu huma cu ta malisimo pa Medio Ambiente, pero tambe pa e salud di e habitantenan. E dump ta parse un never ending story cu no tin bista riba un solucion pronto.
