Tur aña atrobe, DUFRY Aruba ta celebra dia di hende muhe, riba dia 8 di maart. E ta haci esaki hunto cu su empleadanan, teniendo cuenta cu mayoria ta hende muhe, brindando servicio diariamente na nan tiendanan den Aeropuerto, den Caya Betico Croes y den Royal Plaza Mall. Durante e dianan aki tiendanan sa ta mas ocupa, pa cumpramento di regalo pa e hende muhe, pero e compania ta enfoca mas cu e por riba su coleganan.
Dufry Aruba ta existi pa por lo menos 20 aña caba y ta conta cu 10 tienda den Aeropuerto Internacional Reina Beatrix, 1 tienda den caya Betico Croes y 1 tienda den Royal Plaza. Hunto nan ta conta cu 80 empleado servicial, cu bon experencia y conocemento di e productonan varia cu nan ta bende, dependiendo di cada tienda.
