Cuerpo di Duana ta celebrando cu no menos di 7 Duanero trahando den diferente seccion cu riba dia 27 di augustus a cumpli 35 aña di servicio. Un carera largo y impresionante, demostrando lealtad y disciplina na trabou. Nan ta un berdadero ehempel pa e generacion hoben cu awendia ta trahando na e departamento encarga pa cobra impuesto pa Gobierno.
Den presencia di Minister di Finansas, Economia y Cultura, mr. Xiomara Maduro y Director di Cuerpo di Duana a entrega nan decreto gubernamental y un plakkaat como recuerdo pa e 35 añanan di servicio.
E hubilarionan ta:
- Patricia Flanders-Illis
- Ernéstor Marin
- Magda Kock-Cardoze
- Catharina Zara-Fingal
- Roald Webb
- Constantino Wernet
- Simon Becker
Durante 35 aña nan a desplega un carera ehemplar y a sa di “go the extra mile” pa aporta positivamente na Cuerpo di Duana.
